Thursday 13 Ashwin, 2073 |
Menu

अन्तर्वार्ता

istl

भारतीय सांसदको तलब मासिक ४ लाख ५० हजार पुग्ने

(0 votes)
भारतीय सांसदको तलब मासिक ४ लाख ५० हजार पुग्ने
नयाँ दिल्ली– अरविन्द केजरी वालको सरकारले नयाँ दिल्ली विधायक सदस्यको तलब चार गुणाले वृद्धि गरेपछि अब केन्द्र सरकार सांसदको तलब भत्ता बढाउने तयारीमा लागेको छ। सांसदको तलब बढाउने प्रस्ताव अर्थ मन्त्रालय पठाइएको छ। यो विधेयक पारित भएपछि भारतीय सांसदको तलब प्रति महिना ४ लाख ५० हजार (२ लाख ८० भारु) हुनेछ।
भारतीय सांसदले यसअघि ५० हजार भारु तलब पाउँथे। त्यसलाई बढाएर एक लाख पुर्या इने भएको छ। निर्वाचन क्षेत्र भत्ता ४५ हजार भारुबाट बढाएर ९० हजार बनाउन सिफारिश गरिएको छ। सांसदको पेन्सन सुविधा २० हजार रुपैयाँबाट बढाएर ३५ हजार पुर्यारउन भनिएको छ। यो बाहेक पाँच वर्षभन्दा बढी समय संसद सदस्य रहेकाहरुलाई अझ बढी पेन्सन सुविधा दिइनेछ।

भारतीय अर्थ मन्त्रालयले दुवै सदनका लागि यो वर्ष झन्डै ४ अर्ब भारु विनियोजन गरेको छ।

केजरीवालका कारण केन्द्र सरकार दवाबमा

सुविधा सिफारिशमा सांसदहरुलाई दिइने कार ऋण सुविधा बढाइनुपर्ने उल्लेख छ। अहिले ४ वर्षमा चुक्ता गरिसक्नु पर्ने कारको ऋण अब ५ वर्षमा तिरे हुनेछ। सांसदहरुले सम्मानजनक तलब नपाएको भन्ने गुनासो आएपछि तलब बढाउन लागिएको हो। यसअघि गोरखपुरका भारतीय जनता पार्टी सांसद योगी आदित्यनाथ नेतृत्वको समितिले सांसदलाई घर ऋण, निर्वाचन क्षेत्रमा अतिथि गृह एवं हाउजिङमा छुट हुनुपर्ने माग गरेको थियो। सरकारले सो प्रस्ताव कार्यान्वन गर्न अस्वीकार गरेको थियो।

यस पटक भने अरविन्द केजरीवाल नेतृत्वको दिल्ली सरकारले विधानसभा सांसदको तलब ४ सय गुणा बढाएपछि केन्द्रलाई दवाब परेको छ। आम आदमी पार्टी नेतृत्वको सरकारले विधान सभा सदस्यको तबल ३ लाख ७७ हजार (२ लाख ३५ हजार भारु) पुर्याबएको थियो।

प्रतिक्रिया