Friday 24 Mangshir, 2073 |
Menu

राजनीति

republica-headerdiscount-subscribe1

istl

पूर्व अर्थसचिव खनाल प्रत्यक्ष चुनाव लड्ने

  • मङ्गलबार ८ श्रावण, २०७०
  • टेकनारायण भट्टराई
  • Be the first to comment!
(0 votes)
पाल्पा- नेपाल सरकारका पूर्व अर्थसचिव रामेश्वर खनाल सक्रिय राजनीतिमा उत्रने तयारीमा जुटेका छन्। गृह जिल्ला पाल्पाबाट आगामी संविधान सभा निर्वाचनमा प्रत्यक्ष उमेद्वारका रुपमा चुनाव लड्ने वातावरण बनाउन खनालले सक्रियता बढाएका छन्।
nepali-patro-june

पाल्पामा पाँचदिन बसेर मंगलबार राजधानी फर्केका खनालले आफू 'चुनावी सर्वेक्षण’ भ्रमणमा जिल्ला आएको बताए। उपयुक्त वातावरण बनाएर राजनीतिमा सक्रिय हुने आफ्नो इच्छा रहेको खनालले स्पष्ट पारेका छन्। नागरिकन्युजसँगको कुराकानीमा खनालले उपयुक्त 'स्पेस’ मिल्यो भने पाल्पाबाटै प्रत्यक्ष चुनावमा उत्रने उनले खुलासा गरे। 'वास्तवमा यो भ्रमण चुनावी सर्वेक्षण भ्रमण नै हो,’ उनले भने, 'तर म अस्वस्थ प्रतिस्पर्धामा उत्रन भने चाहन्न।’ 


उनले कुन दलबाट चुनाव लड्ने भन्ने खुलाउन चाहेनन्। एकीकृत माओवादी, नेपाली कांग्रेस र नेकपा एमालेबाट आफूलाई प्रस्ताव आएको उनले खुलाए। 'कुन दल भन्ने अहिले नभनौं, अहिले अस्तित्वमै रहेका दलमध्ये कुनै एक हुन्छ,’ खनालले भने, 'कसैलाई गिराएर र छिर्के हानेर चुनाव लड्ने चाहना छैन। स्वस्थ प्रतिष्प्रधाको वातावरण बन्यो भने म चुनाव लड्छु।’ उनले जिल्लामा रहँदा आफ्ना विश्वासका समकक्षी, गुरूहरु र पारिवारिक तहमा यसबारे सुझाव संकलनसमेत गरेका बुझिएको छ।


कहिलेदेखि खुलेर राजनीतिमा लाग्नुहुन्छ? भन्ने प्रश्नरमा उनले छिट्टै निर्णय हुने बताए। 'केही दिनमै निर्णय हुनसक्छ, धेरै समय लाग्दैन,’ उनले भने। खनालले पाल्पामा वातावरण नमिले अन्यत्रबाट भए पनि प्रत्यक्षमै चुनाव लड्ने सम्भावना रहेको बताए। 'यहाँ अनुकूल भएन भने अन्यत्रबाट पनि हुनसक्छ,’ उनले भने। समानुपातिक तर्फबाट चयन हुने चाहना नभएको उनले स्पष्ट पारे। 'टीको लगाएर म काम गर्दिन, चुनावबाटै छानिएर काम गर्दा उच्च मनोबल हुन्छ।’ उनले यसअघि मनोनित भएर काम गर्दा पूर्ण अधिकार नपाएकोले चाहेजस्तो काम गर्न नसकेको गुनासो समेत गरे।


खनालले राष्ट्रको विकासका लागि आफूले राजनीतिमा उत्रने चाहना राखेको बताएका छन्। देशको आर्थिक समृद्धिका लागि पहिले राजनीतिमा प्रयाप्त सुधार आवश्यक रहेको उनले औंल्याए। 'कर्मचारी जीवनबाट मैले राष्ट्रका लागि सक्दो योगदान दिएँ,’ उनले भने, 'बाँकी बँचेको १०–१५ वर्षको सक्रिय जीवन पनि देश निर्माणका लागि खर्चने चाहना छ।’
उत्कृष्ट शिक्षा हासिल गरेका व्यक्तिहरु राजनीतिमा आकर्षित हुन नसक्नु देशको दुर्भाग्य भएको खनालको भनाइ छ। 'राम्रो ज्ञान, सीप हासिल गरेका व्यक्तिहरु व्यक्तिगत र पारिवारिक जीवन राम्रो बनाउनमा मात्रै सिमिति हुनुहुन्न,’ उनले नागरिकसँग भने, 'राष्ट्रिय जीवनमा योगदान पुर्यानउन दक्ष जनशक्ति नै चाहिन्छ, नेपालमा सामान्य व्यक्तिले मात्रै राजनीति गर्ने भन्ने धारणा छ, यो गलत हो।’ क्षमतावान पलायन हुँदा राजनीति सङ्लो हुन नसकेको उनले बताए। 


'उत्कृष्ट अंकसहित उच्च शिक्षा हासिल गरेका युवाले डाक्टर, इन्जिनियर बन्ने र विकसित मुलुकमा काम गर्न गएर व्यक्तिगत वा पारिवारिक समृद्धि त हासिल गर्लान् तर मुलुक समृद्ध नभइ व्यक्तिगत समृद्धिले कुनै माने राख्दैन।’ खनालले भने, 'त्यसले कुनै गर्व सिर्जना गर्दैन, मुलुकको समृद्धिका लागि त्यस्ता प्राविधिक दक्षतायुक्त युवा राजनीतिमा आउन आवश्यक छ,’ उनले अगाडी थपे, 'त्यहि प्रेरणाका लागि पनि बाँकी जीवनको एउटा हिस्सा राजनीतिमा सुम्पने निर्णयमा पुगेको हुँ।’


अन्तर्राष्ट्रिय तहमा सिर उठाएर कुरा गर्नसक्ने हैसियतमा नेपालीलाई पुर्या उन सकिने भन्दै त्यसका लागि पहिले राजनीतिक अस्थिरताको अन्त्य हुनुपर्नेमा उनले जोड दिए।

प्रतिक्रिया

उपराष्ट्रपतिका छोरा सवारी जाममा परेपछि यसरी पोखे आक्रोस

काठमाडौं- उपराष्ट्रपति नन्दबहादुर पुन आफ्नो चीन भ्रमणबाट फर्कंदै थिए। उनीको सवारी हुने भएपछि सदा झैं सुरक्षाकर्मीले बाटो खाली बनाएका थिए। त्यहि बाटोहुँदै उनका छोरा दिपेश पुन माइक्रोमा कतै जाँदै थिए।

संविधानपछि एमाले आर्थिक विकासमा केन्द्रितः नेता नेपाल

तनहुँ– एमालेका वरिष्ठ नेता एवम् पूर्व प्रधानमन्त्री माधवकुमार नेपालले नेकपा (एमाले)ले देशमा आर्थिक विकासमा केन्द्रित भएर काम गर्ने बताएका छन्।

तीन अाेटै निर्वाचन यही सरकारले गराउँ छः मन्त्री राई

भक्तपुर– सूचना तथा सञ्चारमन्त्री एवं सरकारका प्रवक्ता शेरधन राईले अहिलेको केपी ओली सरकारको विकल्प नभएको बताएका छन्। यही सरकारले नै समस्याहरु हल गर्दै तीन अाेटै निर्वाचन गराउने तयारी थालेको उनले...

आयोगको प्रतिवेदन नआउँदै चुनाव गराउन मिल्दैनः सभापति देउवा

नेपालगन्ज– नेपाली कांग्रेसका सभापति एवम् पूर्वप्रधानमन्त्री शेरबहादुर देउवाले स्थानीय निकायको निवाचनका विषयमा सरकारले 'विरोधाभासपूर्ण' कुरा गरिरहेको बताएका छन्।  

सरकारमै बसेर संविधान उल्लंघन

काठमाडौं- नयाँ संविधान कार्यान्वयन गर्ने शपथ खाएर सरकारमा गएका दलका नेता तथा मन्त्री नै संविधानको मर्मविपरीत अभिव्यक्ति र क्रियाकलापमा संलग्न देखिएका छन्। उनीहरू सात दशकको चरम संघर्षपछि संविधानसभाबाट जारी संविधानका...

न्यायाधीशका नाममा असुली

काठमाडौं- 'ढकाल श्रीमान् (न्यायाधीश) सँग कुरा भएको छ, नहटाउनुस् (पेसी) भन्नुहुन्छ,' अधिवक्ता सञ्जयराज अधिकारी आफ्ना सेवाग्राहीस"ग मोबाइलमा भन्छन्। 'हुन्छ भन्नुभा छ? हुन्न भने बरु कसैलाई बिरामी भनेर (पेसी) हटाउनुपर्ला,' सेवाग्राही...

उजुरी दिने समय थप

उजुरी दिने समय थप

काठमाडौं- द्वन्द्वकालमा घटना अनुसन्धान गरी दोषीलाई कारबाही सिफारिस गर्ने अधिकार पाएका सत्यनिरूपण तथा मेलमिलाप र बेपत्ता पारिएका व्यक्तिको छानबिन आयोगले उजुरी दिने समयसीमा एक महिना थप गरेका छन्।

२०७४ माघ ७ भित्र सबै निर्वाचन

काठमाडौं- मधेसवादी दलले संविधानप्रति असन्तुष्टि जनाइरहेका बेला सरकारले २०७४ माघ ७ गतेभित्र स्थानीय निकाय, प्रदेश र संसदीय निर्वाचन सम्पन्न गर्नेलगायत नयाँ संविधान कार्यान्वयनको कार्ययोजना पारित गरेको छ।