Thursday 16 Bhadra, 2073 |
Menu

republica-headerdiscount-subscribe1

istl

७७ वर्षे वृद्ध रेलबाट ज्युँदै फालिए

  • मङ्गलबार ४ भाद्र, २०७०
  • बेनुपराज भट्टराई
  • Be the first to comment!
(0 votes)
Click to enlarge image train-incident-1.jpg

रेलबाट फ्याँकिएका कृष्णबहादुर थापाका छोराछोरी फिक्कलको याङस्थित घरमा किरिया बस्दै।

फिक्कल (इलाम) - 'हुनु हार दैव नटार' भन्ने उखान ७७ वर्षीय कृष्णबहादुर थापाको जीवनमा ठ्याक्कै मेल खायो। खेतीपातीबाट जीवन गुजारा गर्ने उनी १० दिनअघि बिहानसम्म फिक्कल–९ को याङस्थित घरमा थिए। मुटुको दुइवटै भल्व बिग्रिएर बिरामी भएकी छोरी तुलसालाई उपचार गराउन भारत जाने योजना बन्यो। 'ढिलोमा १५ दिनमा आइपुग्छु होला,' हिँड्ने बेला उनले परिवारलाई भनेका थिए, 'चिन्ता नगरी बस्नू, सब ठीक हुन्छ।'
nepali-patro-june

सधैँ चिताएको पुग्दैन र बुनेका सपना साकार हुँदैनन्। सिलिगुडीबाट छोरीसहित रेल चढेका कृष्णबहादुर अरु बेलाजस्तै सामान्य गरी बेंग्लौर पुगे। तर, घर फर्किएनन्। सदाका लागि उनी उतै अस्ताए।
रेलमा प्रवेश गरेका लुटेराले छोरीमाथि हातपात गर्दै लुटपाट गर्न थालेपछि प्रतिकारमा उत्रिए उनी। छोरीलाई बचाउन गएका बाबुलाई ती लुटेराले फिल्मी शैलीमा कठालोमा समाते र रेलको ढोकाबाट फाल्दिए। थापाको प्राणपखेरु त्यहीँ उड्यो। परिवारजन अहिले शोकले व्याकुल छन्। 
साउन २७ गते घर छाडेका कृष्णबहादुर बेंग्लौरस्थित साइबाबाको ह्वाइट फिल्ड अस्पतालमा छोरी लिएर पुगेका थिए। त्यहाँ बिरामीको घुइँचो थियो। डाक्टरले १५ दिनपछि आउन सल्लाह दिए। त्यसपछि बिरामी छोरी लिएर दिल्लीमा बस्ने छोरा, छोरी र ज्वाइँ भेट्न उतै जाने सोच बनाए। बेंग्लौर–दिल्ली चल्ने रेलमा दुवै चढे। राजस्थानको ढोलपुर पुग्दा नसोचेको घटना भयो। जसले अहिले परिवारलाई काँडा भएर घोच्दैछ। 
'नुवाइधुवाइ गरी 'फ्रेस' भएर रेल चढेकी बहिनीलाई लुटेराले हातपात गर्दै पर्स खोसेछन्,' तुलसाबाट घटना सुनेका दाजु रामराजले सुनाए, 'बुवाले त्यसको प्रतिकार गर्दा कुटपिट गर्दै ढोकाबाट बाहिर धकेलेछन्।' फिल्म जस्तो घटना आँखैअघि देखेपछि अतालिएकी तुलसाले त्यसपछि लठ्ठा तानेर रेल रोकिछन्। फर्केर घटनास्थल पुग्दा वृद्ध बुबा कृष्णबहादुरको धुकधुकी मात्रै रहेछ। लिकको फलामले काटेर घुच्चुक र खुट्टामा चोट लागेको रहेछ। 
'बहिनीले लगत्तै ढोलपुर अस्पताल पुर्या उँदा बुबा बितिसक्नु भएछ,' कोरा बसेका रामराजले आँखाभरि आँसु पार्दै सुनाए, 'म त्यत्ति बेला गुडगाउँमा थिएँ। बहिनीले फोन गर्दा अतालिँदै ढोलपुर आइपुगेँ। हामीसँग रुनु र बिलौना गर्नुबाहेक केही विकल्प थिएन।' 
पैसा भएको पर्स, नागरिकता, विराम पुर्जी र दुइटा ठूला झोला लुटेराले कब्जा गरिसकेका थिए। त्यसबेला भारतीय प्रहरीले सहयोग गर्न खोजे पनि केही नभनेको रामराजले बताए। 
एकातिर बिरामी बहिनी अर्कोतिर बुबाको रगताम्मे लास। त्यतिबेला रामराज झन्डै अचेत भएका थिए। 'जसोतसो आफूलाई सम्हालेर बुबाको त्यहीँ मुक्तिधाममा अन्त्येष्टि गर्नतिर लाग्यौं,' उनी आज भन्दैथिए, 'बहिनी, म, दिदी र भिनाजु भएर बुवालाई सदाका लागि रुँदैरुँदै बिदा गर्यौं ।' 
१० वर्षदेखि दिल्लीमा साउण्ड सिस्टम चलाउँदै आएका रामराज बहिनीलाई दिल्लीमैं बस्ने दिदी भिनाजुसँग छाडेर घरमा बुवाको किरिया बस्दैछन्। 
ह्वाइट फिल्डका डाक्टरले मुटुको भल्व फेर्न मंगलबार (२१ अगस्टदेखि) अस्पताल भर्ना गरी २८ अगस्टमा अपरेसन गर्ने समय दिएका थिए। 'पहिले भएका उपचार र बिरामको सबै कागजात लुटिएकाले अब बहिनीको उपचार नैं हुन्छ कि हुँदैन भन्ने अन्योल छ,' रामराजले समस्या सुनाए, 'बहिनीको अवस्था जटिल छ, सहयोगी हातको खोजीमा छौं।' बुबाको ज्यान गएपछि रामराज अब दिल्लीका सबै सामान ल्याएर घर बस्ने बताउँछन्। 
सम्पत्तिका नाममा थोरै जग्गाजमिन र सानो घर भएका कृष्णबहादुरका दुई छोरा र पाँच छोरी छन्। एकजना छोरा मोहनराज कतारमा छन्। ७१ वर्षीया श्रीमती हरिप्रिया आँखाभरि आँसु टिल्पिलाउँदै किरियामा बसेकी छन्। 'हाम्रो घरको मियो नैं भाँचियो, बिरामी छोरीको चिन्ता त छँदैछ,' उनी बिलौना गर्दै थिइन्, 'यस्तो आपत भोग्नुपर्छ भन्ने कल्पेकोसम्म थिइनँ।' भेट्न आउने शुभचिन्तकलाई घटना सुनाउँदैमा छोरा रामराजको ओठमुख सुकेको छ। 
'बिरानो ठाउँमा यस्तो घटना भयो, कतै उजुरी गर्ने साहस नैं गरिएन,' ३८ वर्षीय रामराजले भने, 'अब बहिनीको उपचारको चिन्ताले बढी सताएको छ।' २००७ सालको क्रान्तिदेखि नैं कांग्रेस राजनीतिमा लागेका कृष्णबहादुर फिक्कलका सभापतिसम्म भएका थिए। 'उहाँको दुःखद मृत्युले पार्टी स्तब्ध भएको छ,' क्षेत्र नम्बर १ का कांग्रेस सभापति भीष्म प्रधानले परिवारलाई सान्तवना दिंदै भने, 'उहाँको योगदानको सधैं कदर गरिनेछ।'

सबै तस्बिरहरु: बेनुपराज भट्टराई

 

प्रतिक्रिया

रोल्पाका अधिकांश छात्र छात्रा सि ग्रेडमा

रोल्पा-प्रवेशिका परीक्षा एसएलसीमा जिल्लाका अधिकाश छात्रछात्रा सि ग्रेडमा उत्तिर्ण भएको जिल्ला शिक्षा कार्यालयले जानकारी दिएको छ। जिशिकाका अनुसार नियमित तर्फ एक हजार ३६ छात्रछात्रा सि ग्रेडमा उत्तिर्ण भएका छन।

राष्ट्रिय परीक्षा बोर्ड छिट्टै गठन गरिने

काठमाडौँ-शिक्षा सचिव विश्वप्रकाश पण्डितले शिक्षा ऐन– २०७३ प्रमाणीकरण भएपछि राष्ट्रिय परीक्षा बोर्ड गठन गरिने बताएका छन्। उमावि सङ्घ (हिसान)ले आज आयोजना गरेको शिक्षा ऐनसम्बन्धी अन्तर्क्रियामा सचिव पण्डितले ऐन कार्यान्वयन गराउने...

नाम छुटेको भन्दै भूकम्प पीडितले गाविसमा ताला लगाए

गोरखा- ताप्ले गाविसका स्थानीयले भूकम्प पीडितले घर बनाउन पाउने अनुदानमा आफ्नो नाम छुटेको भ्रन्दै गाविस कार्यालयमा शुक्रवार तालाबन्दी गरेका छन्। रातो कार्ड पाएका, विद्युतीय तथ्याङ्ककबाट गरिएको सर्वेक्षणमा नाम छुटेको भन्दै...

समता स्कुलबाट ए प्लसमा १ सय ४, ए मा ४ सय ४३

समता स्कुलबाट ए प्लसमा १ सय ४, ए मा ४ सय ४३

काठमाडौं-मासिक एक सय शुल्क लिएर अंग्रेजी माध्यममा नर्सरीदेखि स्नात्तोकोतरसम्म अध्ययन गराउँदै आएको समता शिक्षा निकेतन विद्यालयले यो वर्षको एसएलसीमा पनि उत्कृष्ट नतिजा ल्याएको छ।

विराटनगरका ३ डाक्टर पक्राउ

विराटनगर-नक्कली शैक्षिक प्रमाणपत्रको आरोपमा प्रहरीले विराटनगरका तीनजना चर्चित डाक्टरलाई शुक्रवार पक्राउ गरेको छ। वरिष्ठ फिजिशियन जावेद अख्तर अन्सारी, बालरोग विशेषज्ञ डा. सञ्जय दास र अर्थोपेडिक सर्जन डा. अबुल कलामलाई प्रहरीले...

सीआईबीद्वारा वीरगन्जका ९ चिकित्सक गिरफ्तार, सबैलाई काठमाडौं लगियो

वीरगन्ज– नेपाल प्रहरीको केन्द्रीय अन्सुन्धान ब्युरो(सीआईबी)को टोलीले वीरगन्जका ९ जना चिकित्सकलाई नियन्त्रणमा शुक्रबार बिहान गिरफ्तार गरेको छ।

नक्कली प्रमाणपत्र अभियोगमा चर्चित डा.जावेद पक्राउ

विराटनगर— नक्कली शैक्षिक प्रमाणपत्रको आरोपमा प्रहरीले विराटनगरका चर्चित फिजिशियन डाक्टर जावेद अख्तर अन्सारीलाई शुक्रवार पक्राउ गरेको छ। विराटनगरस्थित लाइफ गार्ड अस्पतालबाट प्रहरीको केन्द्रीय अनुसन्धान ब्युरो (सिआईबी) को टोलीले उनलाई पक्राउ...

अवैध सुन तथा ९० थान हाते घडीसहित पक्राउ

काठमाडौं– सिन्धुपालचोक चौतारा– ३ बस्ने ३४ वर्षीय ताराबहादुर श्रेष्ठलाई प्रहरीले बिहीबार राति त्रिभुवन अन्तर्राष्ट्रिय बिमानस्थलको पार्किङ एरियाबाट ५० ग्राम सुन जस्तो देखीने पहेंलो धातुसहित पक्राउ गरेको छ।