Sunday 19 Mangshir, 2073 |
Menu

समाज

republica-headerdiscount-subscribe1

istl

निन्दनीय आक्रमण

(0 votes)
फ्रान्सको राजधानी पेरिसस्थित बाटाक्लान सिटी हलमा शुक्रबार राति भएको आतंककारी हमलाले फेरि संसारको ध्यानाकर्षण गरेको छ । त्यो आततायी घटनापछि मारिनेको संख्या कम्तीमा १ सय २८ पुगेको छ र यो थपिँदो छ ।
सम्पादकीय

Email This email address is being protected from spambots. You need JavaScript enabled to view it.
nepali-patro-june
घाइतेको संख्या २ सयभन्दा बढी छ । आतंकको कुनै धर्म, जात र क्षेत्र हुँदैन । आतंकको निशाना विकसित र सशक्त सुरक्षा भएका मुलुक पनि सहजै बन्न सक्छन् भन्ने फेरि दोहोरिएको छ । सन् २००१ को सेप्टेम्बर ११ मा अमेरिकाको न्युयोर्कस्थित जुम्ल्याहा भवनमा भएको आतंककारी आक्रमणकै शृंखलाका रूपमा विश्वले यस घटनालाई लिएको छ । सामान्यतः युरोप र पश्चिमा विकसित मुलुकमा शुक्रबार रातिदेखि सुरु हुने सप्ताहन्तमा सर्वसाधारण रेस्टुरा, कन्सर्ट र सार्वजनिक स्थानमा धेरै उपस्थित हुन्छन् । पेरिस आक्रमणमा संलग्न आतंककारीले पनि त्यही सुखद् शुक्रबारको रातलाई आफ्नो आतंकको शिकार बनाएका छन् । पेरिसमै आतंककारीबाट यो वर्ष भएको यो दोस्रो आक्रमण हो । जनवरीमा पेरिसको व्यंग्यात्मक पत्रिका चार्ली हेब्डो र यहुदी सुपरमार्केटमा भएको आतंककारी हमलामा १७ जनाको मृत्यु भएको धेरैले बिर्सेका छैनन् । अहिले फेरि पेरिसमै भएको पछिल्लो आक्रमणले संसारभरका मानिसको मुटु हल्लाइदिएको छ ।

पछिल्ला केही वर्षयता आतंकवादको सहारामा राजनीतिक अभीष्ट प्राप्ति गर्ने काम हुन थालेको छ । राजनीतिको आवरणमा यस्ता कार्यले केही हदसम्म क्षमा पनि पाउने गरेका छन् । तर, शक्तिशाली विकसित मुलुकहरूले पनि यसप्रति कठोर रूप अपनाउने गरेका छन् । संसारभरका मुलुकले आतंकवादविरुद्ध साझा अभिव्यक्ति दिने र त्यसविरुद्ध सहकार्य गर्ने प्रयास पनि गरिरहेका छन् । आतंकवादविरुद्धको कठोर अभियान हुँदाहुँदै पनि उग्रता बढ्दै जानु चिन्ताको विषय हो । विशेष गरी मुस्लिम समुदायका केही धार्मिक उग्रवादी संगठनको यसमा संलग्नता देखिएको छ । युरोपमा मुस्लिम समुदायको ठूलो उपस्थिति छ । यस किसिमको उग्रताले त्यहाँका बासिन्दामा अवश्यै कठिनाइ उत्पन्न गराउने छ । सँगसँगै सम्बन्धित राज्यले लिएका नीतिले पनि बेलाबेलामा अल्पसंख्यक समुदायलाई बढी उग्रतातर्फ धकेल्दै गरेको अनुभव गर्न सकिन्छ । फ्रान्सकै हकममा मुस्लिम समुदायका महिलालाई सार्वजनिक स्थानमा बुर्का लगाउन सरकारले रोक लगाउने गरेको छ । सरकारको दृष्टिमा सबैलाई समान हैसियत रहेको देखाउन यसमा रोक लगाउने गरेको भए पनि यो अभ्यास गर्नेहरूले पक्कै पनि वञ्चित भएको महसुस गर्न सक्छन् ।

कुनै अर्थमा पनि आतंकवादलाई क्षम्य मान्न सकिन्न । सँगै यो उग्रता कसरी बढ्दै गइरहेको छ भन्नेमा पनि सम्बन्धित सरकारहरूले ध्यान दिनुपर्ने देखिन्छ । यस किसिमको आतंकले युरोपका नागरिकको खुला आवागमनलाई बाधा पार्ने देखिन्छ । त्यतिमात्र होइन, विस्तारै युरोपकै मोडलमा सीमाहरूलाई खुला गर्दै आर्थिक विकास र व्यापारलाई खुला गर्न प्रयासरत दक्षिण एसियाली मुलुकहरूलाई समेत निरुत्साहित तुल्याउने छ । अमेरिकी जुम्ल्याहा भवनमा आक्रमण गरेपछि 'आतंकवादविरुद्धको युद्ध'ले इराकलगायतका मुलुकमा प्रत्याक्रमण भएको थियो । त्यसले मुस्लिम संसारमा एक किसिमको अस्थिरता पैदा गरेको थियो । सर्वसाधारणको जीवनमा त्यसले पारेको प्रभाव अतुलनीय छ । अहिले पेरिस आक्रमणपछि यसमा संलग्न आतंककारी समूह आइएसको संलग्नताबारे चर्चा भइरहेको छ । र, यसले सिरियामा आक्रमणका निम्ति ढोका खुल्ने निश्चित छ । आइएसजस्तो आतंककारी र उग्र समूहप्रति युवाहरूको रोमाञ्चकारी आकर्षणको कारणबारे पनि ध्यान पुग्नु आवश्यक हुन्छ । के त्यस्तो कारण परेर पश्चिमा विकसित मुलुकका युवा/युवतीसमेत त्यसमा सामेल हुन गइरहेका छन् भन्ने समझदारी पनि हुनु आवश्यक छ । आखिर बाह्य आतंककारी समूहलाई मुलुक भित्र्याउन पनि मुलुकभित्रकै सहयोगीको समेत हात हुन्छ । तिनलाई सहयोग गर्ने र राज्यविरुद्ध अपराध गर्न प्रेरित गर्ने कारण के हो ? त्यसतर्फ पनि सरकारको ध्यानाकर्षण हुनुपर्छ । आफ्नै देशका नागरिक किन यो दिशामा लाग्न खोज्छन् ? अध्ययनको विषय छ । फ्रान्स सरकारले यो घटनापछि तत्कालै थालेका कारबाही र सर्वसाधारणलाई आश्वस्त पार्न खोजेका प्रयासले अरु सरकारलाई पनि तत्परताको सन्देश दिएको हुनुपर्छ । आतंकमा पर्नेहरूप्रति हाम्रो श्रद्धाञ्जली ।

प्रतिक्रिया

रोल्पाका अधिकांश छात्र छात्रा सि ग्रेडमा

रोल्पा-प्रवेशिका परीक्षा एसएलसीमा जिल्लाका अधिकाश छात्रछात्रा सि ग्रेडमा उत्तिर्ण भएको जिल्ला शिक्षा कार्यालयले जानकारी दिएको छ। जिशिकाका अनुसार नियमित तर्फ एक हजार ३६ छात्रछात्रा सि ग्रेडमा उत्तिर्ण भएका छन।

राष्ट्रिय परीक्षा बोर्ड छिट्टै गठन गरिने

काठमाडौँ-शिक्षा सचिव विश्वप्रकाश पण्डितले शिक्षा ऐन– २०७३ प्रमाणीकरण भएपछि राष्ट्रिय परीक्षा बोर्ड गठन गरिने बताएका छन्। उमावि सङ्घ (हिसान)ले आज आयोजना गरेको शिक्षा ऐनसम्बन्धी अन्तर्क्रियामा सचिव पण्डितले ऐन कार्यान्वयन गराउने...

नाम छुटेको भन्दै भूकम्प पीडितले गाविसमा ताला लगाए

गोरखा- ताप्ले गाविसका स्थानीयले भूकम्प पीडितले घर बनाउन पाउने अनुदानमा आफ्नो नाम छुटेको भ्रन्दै गाविस कार्यालयमा शुक्रवार तालाबन्दी गरेका छन्। रातो कार्ड पाएका, विद्युतीय तथ्याङ्ककबाट गरिएको सर्वेक्षणमा नाम छुटेको भन्दै...

समता स्कुलबाट ए प्लसमा १ सय ४, ए मा ४ सय ४३

समता स्कुलबाट ए प्लसमा १ सय ४, ए मा ४ सय ४३

काठमाडौं-मासिक एक सय शुल्क लिएर अंग्रेजी माध्यममा नर्सरीदेखि स्नात्तोकोतरसम्म अध्ययन गराउँदै आएको समता शिक्षा निकेतन विद्यालयले यो वर्षको एसएलसीमा पनि उत्कृष्ट नतिजा ल्याएको छ।

विराटनगरका ३ डाक्टर पक्राउ

विराटनगर-नक्कली शैक्षिक प्रमाणपत्रको आरोपमा प्रहरीले विराटनगरका तीनजना चर्चित डाक्टरलाई शुक्रवार पक्राउ गरेको छ। वरिष्ठ फिजिशियन जावेद अख्तर अन्सारी, बालरोग विशेषज्ञ डा. सञ्जय दास र अर्थोपेडिक सर्जन डा. अबुल कलामलाई प्रहरीले...

सीआईबीद्वारा वीरगन्जका ९ चिकित्सक गिरफ्तार, सबैलाई काठमाडौं लगियो

वीरगन्ज– नेपाल प्रहरीको केन्द्रीय अन्सुन्धान ब्युरो(सीआईबी)को टोलीले वीरगन्जका ९ जना चिकित्सकलाई नियन्त्रणमा शुक्रबार बिहान गिरफ्तार गरेको छ।

नक्कली प्रमाणपत्र अभियोगमा चर्चित डा.जावेद पक्राउ

विराटनगर— नक्कली शैक्षिक प्रमाणपत्रको आरोपमा प्रहरीले विराटनगरका चर्चित फिजिशियन डाक्टर जावेद अख्तर अन्सारीलाई शुक्रवार पक्राउ गरेको छ। विराटनगरस्थित लाइफ गार्ड अस्पतालबाट प्रहरीको केन्द्रीय अनुसन्धान ब्युरो (सिआईबी) को टोलीले उनलाई पक्राउ...

अवैध सुन तथा ९० थान हाते घडीसहित पक्राउ

काठमाडौं– सिन्धुपालचोक चौतारा– ३ बस्ने ३४ वर्षीय ताराबहादुर श्रेष्ठलाई प्रहरीले बिहीबार राति त्रिभुवन अन्तर्राष्ट्रिय बिमानस्थलको पार्किङ एरियाबाट ५० ग्राम सुन जस्तो देखीने पहेंलो धातुसहित पक्राउ गरेको छ।