Friday 14 Shrawn, 2073 |
Menu

समाज

republica-headerdiscount-subscribe1

istl

सरल र इमान्दार उद्यमी

(0 votes)
सरल र इमान्दार उद्यमी
काठमाडौं- वरिष्ठ उद्यमी वनवारीलाल मित्तलको ७९ वर्षको उमेरमा बुधबार बिहान निधन भएको छ। एक महिनादेखि अस्वस्थ मित्तललाई भारतको मेदान्ता अस्पतालमा उपचार गरी गत सोमबार घर ल्याइएको थियो। मारवाडी समुदायका प्रतिष्ठित र इमानदार व्यवसायी मित्तल सरल, मृदुभाषी र हंसमुख रहेको उनका निकटहरू बताउँछन्।
nepali-patro-june
'उहाँलाई कहिले पनि रिसाएको देखिनँ, सधैं हँसिमजाक गरिरहने बानी थियो,' मित्तललाई नजिकबाट चिनेका उद्योगपति तथा नेपाल उद्योग वाणिज्य महासंघका पूर्वअध्यक्ष रविभक्त श्रेष्ठले बुधबार नागरिकसँग भने, 'उहाँको निधनबाट निजी क्षेत्रले अभिभावक गुमाएको छ। हामीलाई अपूरणीय क्षति भएको छ।'

मित्तल काठमाडौंको वटुमा जन्मिएका थिए। सँगैको अर्को टोल इन्द्रचोकमा जन्मिएका इन्द्रभक्त श्रेष्ठबीच दशकौं सहकार्य भएको थियो। कालान्तरमा मित्तल दुईपटक नेपाल चेम्बर अफ कमर्सको अध्यक्ष तथा उद्योग वाणिज्य महासंघको कार्यसमिति सदस्य भए भने इन्द्रभक्त चेम्बर र महासंघको अध्यक्ष भएका थिए।

नेवार टोलमा हुर्केबढेका मित्तल आफ्नो व्यापार–व्यवसायबारे सरसल्लाह लिन इन्द्रभक्त (रविभक्तका बुवा) को घरमा ओहोरदोहोर गरिरहन्थे। इन्द्रभक्तको गत वर्ष निधन भएको थियो।

'हामीभन्दा उमेरमा जेठो हुनुहुन्थ्यो, व्यापारिक सल्लाह गर्न बुवालाई भेट्न आइरहनुहुन्थ्यो। हाम्रो घरमा मात्र होइन हामीसँग बाहिर भेट्दा पनि सधैं नेवारीमा कुराकानी गर्नुहुन्थ्यो,' रविभक्तले भने, 'हामीबीच व्यापारमा साझेदारी भने भएन। उहाँ हाम्रो पारिवारिक सदस्यजस्तै हुनहुन्थ्यो। वनवारी दाइलाई गुमायौं, ज्यादै दुःख लागेको छ।'

मित्तलका बुवा हनुमानप्रसाद प्रतिष्ठित कपडा व्यापारी थिए। त्यसबाट केही भिन्नै काम गर्न भन्दै मित्तलले २०१३ सालमा निर्माण व्यवसायमा हात हालेका थिए। त्यसपछि आयात–निर्यात, चिया उद्योग, शिक्षण संस्था, बैंक तथा वित्तीय संस्था हुँदै १६ वर्षअघि मित्तल वायुसेवा उद्योगमा प्रवेश गरेका थिए।

उनले सुरु गरेको श्री एयरलाइन्स हेलिकोप्टर कम्पनी नेपालकै सबैभन्दा ठूलो हेलिकोप्टर सेवा प्रदायक बनेको छ। श्रीसँग हाल 'एमआई–१७' सिरिजका २४ सिट क्षमतायुक्त ६ वटा ठूला तथा 'बिथ्रीई' सिरिजका साना चारवटा हेलिकोप्टर सञ्चालनमा छन्। श्री एयरलाइन्स एमआई–१७ हेलिकोप्टर धेरै भएको दक्षिण एसियाकै सबैभन्दा ठूलो कम्पनी हो।

'उहाँले पैसा कमाउनेभन्दा पनि समाज सेवा गर्ने उद्देश्यले हेलिकोप्टर व्यवसाय सुरु गर्नुभएको थियो,' रविभक्तले भने, 'मुलुकमा प्राकृतिक विपत्ति पर्दा होस् वा अन्य कुनै घटना होस्, उद्धार तथा राहत सामग्री बोकाएर आफ्ना हेलिकोप्टर पठाइहाल्नुहुन्थ्यो।'

२०६६ चैतमा मित्तलसँग नागरिकले अन्तर्वार्ता लिँदा उनले सरकारदेखि विभिन्न संस्थासँग हेलिकोप्टर उपलब्ध गराएबापत पाउनुपर्ने भाडा नपाएको बताएका थिए। 'उद्धार गर्न र राहत लिएर गएको हो, यो पनि सामाजिक सेवा नै हो,' उनले भनेका थिए, 'जति भने पनि नदिएपछि भन्नै छाडिदिएँ।'

माधवकुमार नेपाल नेतृत्वको तत्कालीन सरकारले २०६६ मंसिर १९ मा सगरमाथा आधारशिविरमा आयोजना गरेको मन्त्रिपरिषद बैठकका लागि श्रीको एमआई–१७ हेलिकोप्टर प्रयोग गरेको थियो। त्यसवापत भाडा ३५ लाख रुपैयाँ उठेको थियो। मित्तलले पछिल्लो पटक पनि त्यसबेलाको भाडा नपाएको बताएका थिए।

मित्तल श्रीका कार्यकारी अध्यक्ष थिए। श्रीले संयुक्त राष्ट्र संघअन्तर्गत विभिन्न शान्ति मिसन तथा विश्व खाद्य कार्यक्रममा नेपालको निजी क्षेत्रका तर्फबाट पहिलो पटक हेलिकोप्टर सेवा दिएका थिए।

उनी मारवाडी सेवा समितिका पूर्वअध्यक्ष, नेपाल निर्माण व्यवसायी संघका संस्थापक अध्यक्ष, नेपाल उद्योग परिसंघका संस्थापक, पशुपति क्षेत्र विकास कोषका पूर्वकामु कोषाध्यक्ष, नेपाल आँखा अस्पतालका संस्थापक, परोपकार संस्था केन्द्रीय कार्यसमितिका पूर्वकोषाध्यक्ष, नेपाल नेत्रज्योति संघका संस्थापक कोषाध्यक्ष, नेपाल राष्ट्रिय मारवाडी परिषदका सल्लाहकार लगायत विभिन्न व्यावसायिक तथा धार्मिक संघसंस्थामा आबद्ध थिए।

त्यसैगरी उनी आलोक विद्याश्रम, नर्थ नेपाल टि स्टेट प्रालि, मित्तल एन्ड कम्पनी र साउथ एसियन इन्स्टिच्युट अफ म्यानेजमेन्टका संस्थापक निर्देशक पनि थिए। मित्ततलले पछिल्लो पटक धार्मिक पर्यटन प्रवर्द्धन गर्दै आएका थिए। यसैलाई बढावा दिँदै काठमाडौंबाट तिब्बतको मानसरोवरसम्म हेलिकोप्टर सेवा दिँदै आएका थिए।

बुधबार बिहान १ः३० बजे ज्ञानेश्वरस्थित निवासमा निधन भएका मित्तलको पशुपति आर्यघाटमा दाहसंस्कार गरिएको थियो। उनका एक छोरा, दुई छोरी र श्रीमती छन्।

प्रतिक्रिया

रोल्पाका अधिकांश छात्र छात्रा सि ग्रेडमा

रोल्पा-प्रवेशिका परीक्षा एसएलसीमा जिल्लाका अधिकाश छात्रछात्रा सि ग्रेडमा उत्तिर्ण भएको जिल्ला शिक्षा कार्यालयले जानकारी दिएको छ। जिशिकाका अनुसार नियमित तर्फ एक हजार ३६ छात्रछात्रा सि ग्रेडमा उत्तिर्ण भएका छन।

राष्ट्रिय परीक्षा बोर्ड छिट्टै गठन गरिने

काठमाडौँ-शिक्षा सचिव विश्वप्रकाश पण्डितले शिक्षा ऐन– २०७३ प्रमाणीकरण भएपछि राष्ट्रिय परीक्षा बोर्ड गठन गरिने बताएका छन्। उमावि सङ्घ (हिसान)ले आज आयोजना गरेको शिक्षा ऐनसम्बन्धी अन्तर्क्रियामा सचिव पण्डितले ऐन कार्यान्वयन गराउने...

नाम छुटेको भन्दै भूकम्प पीडितले गाविसमा ताला लगाए

गोरखा- ताप्ले गाविसका स्थानीयले भूकम्प पीडितले घर बनाउन पाउने अनुदानमा आफ्नो नाम छुटेको भ्रन्दै गाविस कार्यालयमा शुक्रवार तालाबन्दी गरेका छन्। रातो कार्ड पाएका, विद्युतीय तथ्याङ्ककबाट गरिएको सर्वेक्षणमा नाम छुटेको भन्दै...

समता स्कुलबाट ए प्लसमा १ सय ४, ए मा ४ सय ४३

समता स्कुलबाट ए प्लसमा १ सय ४, ए मा ४ सय ४३

काठमाडौं-मासिक एक सय शुल्क लिएर अंग्रेजी माध्यममा नर्सरीदेखि स्नात्तोकोतरसम्म अध्ययन गराउँदै आएको समता शिक्षा निकेतन विद्यालयले यो वर्षको एसएलसीमा पनि उत्कृष्ट नतिजा ल्याएको छ।

विराटनगरका ३ डाक्टर पक्राउ

विराटनगर-नक्कली शैक्षिक प्रमाणपत्रको आरोपमा प्रहरीले विराटनगरका तीनजना चर्चित डाक्टरलाई शुक्रवार पक्राउ गरेको छ। वरिष्ठ फिजिशियन जावेद अख्तर अन्सारी, बालरोग विशेषज्ञ डा. सञ्जय दास र अर्थोपेडिक सर्जन डा. अबुल कलामलाई प्रहरीले...

सीआईबीद्वारा वीरगन्जका ९ चिकित्सक गिरफ्तार, सबैलाई काठमाडौं लगियो

वीरगन्ज– नेपाल प्रहरीको केन्द्रीय अन्सुन्धान ब्युरो(सीआईबी)को टोलीले वीरगन्जका ९ जना चिकित्सकलाई नियन्त्रणमा शुक्रबार बिहान गिरफ्तार गरेको छ।

नक्कली प्रमाणपत्र अभियोगमा चर्चित डा.जावेद पक्राउ

विराटनगर— नक्कली शैक्षिक प्रमाणपत्रको आरोपमा प्रहरीले विराटनगरका चर्चित फिजिशियन डाक्टर जावेद अख्तर अन्सारीलाई शुक्रवार पक्राउ गरेको छ। विराटनगरस्थित लाइफ गार्ड अस्पतालबाट प्रहरीको केन्द्रीय अनुसन्धान ब्युरो (सिआईबी) को टोलीले उनलाई पक्राउ...

अवैध सुन तथा ९० थान हाते घडीसहित पक्राउ

काठमाडौं– सिन्धुपालचोक चौतारा– ३ बस्ने ३४ वर्षीय ताराबहादुर श्रेष्ठलाई प्रहरीले बिहीबार राति त्रिभुवन अन्तर्राष्ट्रिय बिमानस्थलको पार्किङ एरियाबाट ५० ग्राम सुन जस्तो देखीने पहेंलो धातुसहित पक्राउ गरेको छ।