Sunday 12 Bhadra, 2073 |
Menu

समाज

republica-headerdiscount-subscribe1

istl

विराटको तेलको गुणस्तर प्रमाणित

(0 votes)
काठमाडौं- निजी कम्पनी विराटले पेट्रोलियमले ल्याएको पेट्रोल गुणस्तरीय रहेको प्रमाणित भएपछि वाणिज्य विभागले बिक्री गर्ने व्यवस्था मिलाइदिन आपूर्ति मन्त्रालयलाई आग्रह गरेको छ।

nepali-patro-june
नापतौल तथा गुणस्तर विभागले विराटले ल्याएको पेट्रोल परीक्षण गरेपछि गुणस्तरयुक्त रहेको प्रमाणित गरेको छ। विराटले गत बुधबार कालिकास्थानको सिल्भर सिटी अपार्टमेन्टको कम्पाउन्डमा भारतीय टयांकरबाट आफूखुसी मूल्य तोकी सोझै उपभोक्तालाई पेट्रोल बेचेको थियो। पेट्रोल बिक्री गर्दागर्दै प्रहरीले टयांकर नियन्त्रणमा लिएको थियो। त्यसको भोलिपल्ट गुणस्तर विभागले उक्त पेट्रोलको गुणस्तर परीक्षण गरेको थियो।

विराटले आफूले ल्याएको पेट्रोल के कसरी बिक्री गर्न सकिन्छ भन्दै बाटो पहिल्याइदिन आइतबार वाणिज्य विभागलाई पत्राचार गरेको थियो। लगत्तै विभागले गत कात्तिक २ गते राजपत्रमा प्रकाशित सूचनालाई आधार मानी आपूर्ति मन्त्रालयलाई पत्राचार गरी विराटको समस्या सामाधान गरिदिन आग्रह गरेको छ।

त्यसबेला आपूर्ति मन्त्रालयले राजपत्रमा प्रकाशित गरेको सूचनामा 'अन्य आवश्यक र सान्दर्भिक विषयमा वाणिज्य तथा आपूर्ति मन्त्रालयले आवश्यकता अनुसार सम्वद्ध निकायसँग समन्वय गरी कार्यान्वयन गर्ने गराउने' भनिएको छ। सोही अनुसार आइतबार विभागले मन्त्रालयलाई बाटो खोलिदिन लिखित आग्रह गरेको हो।

विभागको महानिर्देशक शम्भु कोइरालाको संयोजकत्वमा बनेको 'निजी क्षेत्रबाट आयातित पेट्रोलियम पदार्थको अनुगमन गर्ने' संयन्त्रले विराटले ल्याएको तेललाई कसरी व्यवस्थापन गर्ने भन्नेबारे जवाफ मागेको छ। यो संयन्त्रमा गुणस्तर विभाग र मन्त्रालयका प्रतिनिधि छन्।

गुणस्तर विभागका महानिर्देशक विश्वबाबु पुडासैनीले विराटले ल्याएको पेट्रोल 'नेपाल गुणस्तर' अनुसार रहेको बताए। 'पेट्रोलमा कुनै खराबी छैन,' उनले आइतबार नागरिकसँग भने, 'सोही अनुसार हामीले विराटलाई गुणस्तरको प्रमाणपत्र दिएका छौं।'

वाणिज्य विभागका महानिर्देशक कोइरालाले नियमसँगत ल्याएको तेल बिक्री गर्ने बाटो खोलिदिन मन्त्रालयले पहल गर्नुपर्ने बताए। 'कि पहिल्यै तेल ल्याउने अनुमति दिनु हुँदैनथ्यो। त्यतिबेला निजी क्षेत्रलाई पेट्रोलियम पदार्थ ल्याउन नीतिगत बाटो खोलिदिने, ल्याएपछि कुन च्यानलबाट बिक्री गर्ने भन्ने चै प्रस्ट नपार्ने?' उनले भने, 'विराटले ल्याएको तेल बीच बाटोमै अलपत्र छ। यसरी खुला ठाँउमा यति ठूलो परिमाण राख्नु आफैंमा जोखिम हो।'

नेपाल आयल निगम स्रोतका अनुसार विराटले ल्याएको पेट्रोल हाल भइरहेका पेट्रोल पम्पबाट बिक्री गर्न मिल्दैन। 'बिक्रेता नियमावली अनुसार नेपाल आयल निगमले ल्याएको भन्दा अरुको तेल बिक्री गर्न पाइँदैन,' उनले भने, 'निगमले निर्णय गरेर पनि हाल भएका पम्पबाट विराटले ल्याएको पेट्रोल बिक्री गर्न सकिन्न।'

निगमसँग अनुबन्धित पम्पबाटै तेल बिक्री गर्ने हो भने, निगमले तोकेको मूल्यमा बिक्री गर्नुपर्ने स्रोतको भनाइ छ। विराटले करलगायत अन्य शुल्कहरू यथार्थभन्दा गलत राखेर मूल्य प्रस्ताव गरेको निगम स्रोतले बताएको छ। विराटले उत्पादन शुल्क ७९ रुपैयाँ ७९ पैसा राखेको छ। निगमले १२ रुपैयाँ ६६ पैसा राखेको नाफा विराटले भने २० प्रतिशतका दरले २८ रुपैयाँ ८८ पैसा राखेको वाणिज्य स्रोतले जनाएको छ। आयल निगमले एक रुपैयाँ ९८ पैसामा ढुवानी गरेकोमा विराटले ११ रुपैयाँ ६४ पैसा राखेको छ।

निगमले सम्पूर्ण सरकारी राजस्व र कर ३१ रुपैयाँ ७१ पैसा तिर्ने गरेकामा विराटले ४० रुपैयाँ ८५ पैसा राखेको छ। भन्सार र भ्याट भनेर ३१ रुपैयाँ ६५ पैसा र भ्याट ९ रुपैयाँ २ पैसा राखेको छ। प्रशासन शुल्कको रूपमा निगमले जम्मा ५० पैसा राखेको छ, विराटले १५ रुपैयाँ राखेको छ, जसमा भारतमा १३ र नेपालमा दुई रुपैयाँ राखेको छ। निगमले टेक्निकल लस जम्मा ६० पैसा छ। विराटको १ रुपैयाँ ९० पैसा छ। आयल निगमले दुई रुपैयाँ राखेकोमा विराटले ऋण ब्याजबापत एक रुपैयाँ ५० पैसा जोडेको छ।

यो सबै मूल्य आयल निगमको भन्दा चर्को हुनुको साथै त्यसमा अन्य शुल्क समेत जोडेको वाणिज्य स्रोतले जनाएको छ। स्रोतका अनुसार विराटले भ्याट भनेर दुई ठाउँमा जोडेको छ। एक ठाउँमा भन्सार र भ्याट भनेर ३१ रुपैयाँ ६५ पैसा राखेको छ भने फेरि छुट्टै १३ प्रतिशत भ्याट भनेर २२ रुपैयाँ ५३ पैसा प्रस्ताव गरेको छ। विराटले थप डेमरेज एन्ड डेस्टिनेसन चार्ज भनेर २ रुपैयाँ ३९ पैसा थप राखेको छ।

एकदम चर्को मूल्यमा तेल बेच्न प्रस्ताव गरी बिक्रीका लागि दबाब दिए पनि आपूर्ति मन्त्रालयले जनतालाई मर्का पर्ने निर्णय नगर्ने भन्दै बसेको थियो। 'पेट्रोल भित्र्याएपछि विराट र निगमले नोजल अनुमतिका लागि नीतिगत निर्णय गर्न दबाब दिइरहेका छन,' आपूर्ति मन्त्रालयका एक अधिकारीले भने, 'दररेटको ख्यालै नगरी अनुमति दिने कुरै हुँदैन।'

प्रतिक्रिया

रोल्पाका अधिकांश छात्र छात्रा सि ग्रेडमा

रोल्पा-प्रवेशिका परीक्षा एसएलसीमा जिल्लाका अधिकाश छात्रछात्रा सि ग्रेडमा उत्तिर्ण भएको जिल्ला शिक्षा कार्यालयले जानकारी दिएको छ। जिशिकाका अनुसार नियमित तर्फ एक हजार ३६ छात्रछात्रा सि ग्रेडमा उत्तिर्ण भएका छन।

राष्ट्रिय परीक्षा बोर्ड छिट्टै गठन गरिने

काठमाडौँ-शिक्षा सचिव विश्वप्रकाश पण्डितले शिक्षा ऐन– २०७३ प्रमाणीकरण भएपछि राष्ट्रिय परीक्षा बोर्ड गठन गरिने बताएका छन्। उमावि सङ्घ (हिसान)ले आज आयोजना गरेको शिक्षा ऐनसम्बन्धी अन्तर्क्रियामा सचिव पण्डितले ऐन कार्यान्वयन गराउने...

नाम छुटेको भन्दै भूकम्प पीडितले गाविसमा ताला लगाए

गोरखा- ताप्ले गाविसका स्थानीयले भूकम्प पीडितले घर बनाउन पाउने अनुदानमा आफ्नो नाम छुटेको भ्रन्दै गाविस कार्यालयमा शुक्रवार तालाबन्दी गरेका छन्। रातो कार्ड पाएका, विद्युतीय तथ्याङ्ककबाट गरिएको सर्वेक्षणमा नाम छुटेको भन्दै...

समता स्कुलबाट ए प्लसमा १ सय ४, ए मा ४ सय ४३

समता स्कुलबाट ए प्लसमा १ सय ४, ए मा ४ सय ४३

काठमाडौं-मासिक एक सय शुल्क लिएर अंग्रेजी माध्यममा नर्सरीदेखि स्नात्तोकोतरसम्म अध्ययन गराउँदै आएको समता शिक्षा निकेतन विद्यालयले यो वर्षको एसएलसीमा पनि उत्कृष्ट नतिजा ल्याएको छ।

विराटनगरका ३ डाक्टर पक्राउ

विराटनगर-नक्कली शैक्षिक प्रमाणपत्रको आरोपमा प्रहरीले विराटनगरका तीनजना चर्चित डाक्टरलाई शुक्रवार पक्राउ गरेको छ। वरिष्ठ फिजिशियन जावेद अख्तर अन्सारी, बालरोग विशेषज्ञ डा. सञ्जय दास र अर्थोपेडिक सर्जन डा. अबुल कलामलाई प्रहरीले...

सीआईबीद्वारा वीरगन्जका ९ चिकित्सक गिरफ्तार, सबैलाई काठमाडौं लगियो

वीरगन्ज– नेपाल प्रहरीको केन्द्रीय अन्सुन्धान ब्युरो(सीआईबी)को टोलीले वीरगन्जका ९ जना चिकित्सकलाई नियन्त्रणमा शुक्रबार बिहान गिरफ्तार गरेको छ।

नक्कली प्रमाणपत्र अभियोगमा चर्चित डा.जावेद पक्राउ

विराटनगर— नक्कली शैक्षिक प्रमाणपत्रको आरोपमा प्रहरीले विराटनगरका चर्चित फिजिशियन डाक्टर जावेद अख्तर अन्सारीलाई शुक्रवार पक्राउ गरेको छ। विराटनगरस्थित लाइफ गार्ड अस्पतालबाट प्रहरीको केन्द्रीय अनुसन्धान ब्युरो (सिआईबी) को टोलीले उनलाई पक्राउ...

अवैध सुन तथा ९० थान हाते घडीसहित पक्राउ

काठमाडौं– सिन्धुपालचोक चौतारा– ३ बस्ने ३४ वर्षीय ताराबहादुर श्रेष्ठलाई प्रहरीले बिहीबार राति त्रिभुवन अन्तर्राष्ट्रिय बिमानस्थलको पार्किङ एरियाबाट ५० ग्राम सुन जस्तो देखीने पहेंलो धातुसहित पक्राउ गरेको छ।