Friday 10 Bhadra, 2073 |
Menu

समाज

republica-headerdiscount-subscribe1

istl

शीर्षत्रय लोभी, दोस्रो पुस्ता पिछलग्गू, तेस्रो चाकरीबाज

(0 votes)
काठमाडौं- तेह्रौ महाधिवेशन नजिकिँदै जाँदा नेपाली कांग्रेसमा नेतृत्व परिवर्तनको दबाब बढ्दो छ तर पार्टी हाँक्ने जिम्मेवारी लिन दोस्रो पुस्ता तयार देखिँदैन। शीर्ष नेतात्रय सुशील कोइराला, वरिष्ठ नेता शेरबहादुर देउवा र उपसभापति रामचन्द्र पौडेल तीनैले सभापतिमा आकांक्षा देखाइरहँदा दोस्रो पुस्ता नेतृत्व दाबीमा भन्दा त्यसपछिका पद सुरक्षित गर्न गुटबन्दीमा सक्रिय देखिन्छ।

nepali-patro-june
तेस्रो पुस्तामा नेतृत्व परिवर्तनको उत्साह देखिए पनि पिरामिड शैलीको गुटविभाजनले उनीहरुलाई पनि मुक्त राख्न सकेको छैन। यी युवा नेताहरु पनि क्षमता देखाउनभन्दा लाइन मिलाउनै अभ्यस्त देखिन्छन्।

संविधानसभाबाट संविधान निर्माणपछि पार्टीले राष्ट्रपतिसहित प्रमुख पद गुमाएपछि त्यसको जिम्मेवारी शीर्ष नेताले लिनुपर्ने र नेतृत्व दोस्रो पुस्तालाई छाडिदिनुपर्ने आवाज बाक्लिएको हो। सभापति कोइराला, वरिष्ठ नेता देउवा र उपसभापति पौडेलको विकल्प खोज्नुपर्ने भन्नेहरु नै विकल्पका रुपमा दोस्रो पुस्ताबाट नाम अघि सार्न सक्दैनन्।

संविधान जारी भएपछि मुलुकले एउटा राजनीतिक अध्याय पूरा गरेको भन्दै अबका चुनौती थेग्न र युवाका आकांक्षा पूरा गर्न पहिलो पुस्ताका नेतालाई धन्यवाद दिएर बिदा गर्नुपर्ने तर्क बलियो हँुँदैछ। संविधान कार्यान्वयनसहितको अबको अध्याय पहिलो पुस्ताबाट पूरा हुन नसक्ने धेरैको विश्लेषण छ।

पार्टीले प्रधानमन्त्री, राष्ट्रपतिसहित प्रमुख पद गुमाएपछि पहिलो पुस्ता रणनीतिक रुपमा असफल बनेकाले तीन शीर्ष नेता संरक्षक बनेर दोस्रो पुस्तालाई नेतृत्व सुम्पनुपर्ने विचार बलियो देखिन्छ।

उमेरले ७० वर्षमाथिको पुस्ताबाट अबको कांग्रेस चल्न नसक्ने भन्दै नेतृत्वका लागि दोस्रो पुस्तामाथि दबाब पर्दै गए पनि कोही अघि सरेका देखिँदैनन्।

'पहिलो पुस्ताले अब बिदा लिनुपर्छ, दोस्रो पुस्ता आँट र युवा पुस्तालाई विश्वास दिलाउने कार्यक्रमसहित आए हामी साथ दिन सक्छौं,' केन्द्रीय सदस्य गगन थापाले नागरिकसँग भनेे, 'दोस्रो पुस्ताले आँट गर्न नसकेको कमजोरीको मूल्य चुकाउन हामी तयार छैनौं, कुर्ने पक्षमा पनि छैनौं।'

उमेरले ६० कटिसकेका प्रकाशमान सिंह, कृष्णप्रसाद सिटौला, विमलेन्द्र निधि, रामशरण महत, अर्जुननरसिंह केसी, सुजाता कोइराला, सशांक कोइराला, पूर्णबहादुर खड्कासहितका नेतालाई कांग्रेस नेता तथा कार्यकर्ताले शीर्ष तीनको विकल्पका रुपमा हेर्ने गरेका छन्। यी नेता भने खोसेर होइन, आग्रह वा याचना गरेर नेतृत्व लिने मनस्थितिमा देखिन्छन्।

सभापतिमा कोइराला, देउवा र पौडेल नै प्रतिस्पर्धामा उत्रने भएपछि पदाधिकारीका आकांक्षी दोस्रो पुस्ताका नेता उनीहरुकै नजिक बनेर उपसभापति वा महामन्त्री पद सुरक्षित गर्न सक्रिय छन्।

यद्यपि, महामन्त्री कृष्णप्रसाद सिटौला निकट नेता भने उनैलाई सभापतिमा उठाउने बताउँदै जिल्ला दौडाहामा निस्केका छन्।

आसन्न महाधिवेशनबाट नेतृत्व दोस्रो पुस्ताले गर्नुपर्यो भन्ने दबाब देशभरबाट आफूमाथि परिरहेको दाबी गर्दै केन्द्रीय सदस्य महतले उचित समयमा उचित निर्णयमा पुग्ने जानकारी दिए।

'देशभरिका कार्यकताको भावना बुझिरहेको छु,' महतले नागरिकसँग भने, 'नेतृत्वका लागि तयार छु तर त्यसका लागि झगडा गर्ने पक्षमा छैन। सहमति र शान्तिपूर्ण ढंगबाट नै टुंगो लागोस् भन्नेमा छु।'

पार्टीमा नेतृत्व परिवर्तनको आवाज बाक्लिँदै गएको केन्द्रीय सदस्य केसी स्विकार्छन्। आफू कुन पदमा उम्मेदवारी दिने भन्ने टुंगोमा भने उनी पनि पुगिसकेका छैनन्।

'हरेक महाधिवेशन प्रतिनिधिलाई प्रतिस्पर्धा गर्ने अधिकार र स्वतन्त्रता हुन्छ,' केसीले नागरिकसँग भने, 'पार्टीलाई नेता र नातामुखी संकीर्ण सोचबाट मुक्त गराउनुपर्छ भन्ने विचारसँग नजिक रहेका साथीहरुसँग छलफल गरेर केही दिनभित्र मेरो पोजिसन टुंगो लगाउँछु।'

दोस्रो पुस्ताका नेताहरु नेतृत्वका लागि तयार नरहेको संकेत गर्दै उपसभापति पौडेलले तत्कालीन पार्टी नेता गिरिजाप्रसाद कोइराला, कृष्णप्रसाद भट्टराई र गणेशमान सिहंलाई पनि आफुहरुले त्यस्तै भनेको सुनाएका थिए। 'तर, उहाँहरु बाँचुन्जेल गरी नै राख्नुभयो,' कार्यकर्ताले शीर्षहरुको विकल्प खोज्न थालेका छन् नि भन्ने नागरिकको केही समयअघिको प्रश्नमा उपसभापति पौडेलले भनेका थिए, 'कांग्रेसको यथार्थ एकातिर छ, नारा अर्कोतिर हुन्छ।'

केन्द्रीय सदस्य सशांक कोइरालाले शीर्ष नेतासँगको छलफलमै नेतृत्व टुंगो लगाउनुपर्ने बताए। युवा पुस्तामा नेतृत्व परिवर्तन होस् भन्ने छटपटी बढे पनि अनुभवको कमी रहेको सुनाउँदै सशांकले भने, 'शीर्ष नेतासँग अनुभव छ, उमेर गयो, तीनै जनाले एउटा निर्णय गरिदिए छुट्टै कुरा हो, होइन भने कुन बाटो रोज्ने छलफलबाट टुंगोमा पुग्नुपर्छ।'

शीर्ष तीनै नेताले प्रत्यक्ष वा अप्रत्यक्ष रुपमा सभापतिमा आकांक्षा राख्दै आएको सुनाउँदै संशाकले नेतृत्वका लागि भन्दा समाज रुपान्तरण, राजनीतिक स्थायित्व र आर्थिक विकासमा पार्टीको ध्यान पुग्नुपर्ने तर्क गरे।

'मुलुकमा राजनीतिक स्थायित्व र विकास ल्याउने नेतृत्व चाहियो,' उनले थपे, 'नेतृत्व परिवर्तन गर्ने हो भने पनि कसरी जाने भन्नेमा छलफल हुनुपर्छ।'

नेताकै मुख ताक्छन् युवा

युवा (तेस्रो पुस्ता) पनि नेतृत्वका लागि आफूलाई तयार गर्नभन्दा शीर्ष नेता रिझाउनै व्यस्त देखिन्छन्। पहिलो र दोस्रो पुस्ताको आलोचनामा समय खर्चने गरेका यो पुस्ताले १३औं महाधिवेशनमा आफूलाई कहाँ उभ्याउने भन्ने टुंगोमा पुग्न सकेका छैनन्।

गुटगत र शीर्ष नेताको आलोचना गरे पनि उनीहरुकै कोटरीबाट टाढा रहन नसक्ने यो पुस्ता पनि शीर्षले कुन भूमिका दिन्छन्, त्यही लिने दाउमा छन्। योग्यता र क्षमता देखाउन भन्दा नेताका आदेश पालक बन्नै दौडिरहन्छन्।

पहिलो पुस्ता पार्टी विधान संश्ाोधन गर्न सहमत भएर सहमहामन्त्री संख्या थपिए आफू त्यसमा कसरी अटाउने भन्ने ध्याउन्नमा छन् उनीहरु। एनपी साउद, नवीन्द्रराज जोशी, बालकृष्ण खाण, भीष्मराज आङदेम्बे, चन्द्र भण्डारी, पुष्पा भुसाल, सुरेन्द्रराज पाण्डे, गगनकुमार थापा, धनराज गुरुङ, बद्री पाण्डेलगायत युवा सहमहामन्त्रीका आकांक्षी देखिन्छन्।

विधान संशोधन भए सहमहामन्त्रीमा उम्मेदवारी दिने तयारीमा रहेका गुरुङले भने, 'पाँच वर्षमा पदाधिकारीका नाममा पार्टी सञ्चालन भयो, त्यसविरुद्ध हामी नै प्रमुख पदमा पुग्नुपर्ने देखिएको छ।'

आफू कुन पदमा दाबी गर्ने भन्ने उनले पनि निर्क्याेल गरिसकेका छैनन्।

भण्डारीले युवाहरुको भेला गरेर निर्णय लिइने सुनाए।

भाग पुर्यायउन संख्या बढाउने खेल

सभापतिका प्रमुख दुई दाबेदार कोइराला र देउवा भने पदाधिकारी संख्या थपलाई आगामी नेतृत्व चयनसँग जोडेर हेर्न थालेका छन्। सभापतिमा उम्मेदवारी दिने भन्दै प्रचारमा हिँडेका उपसभापति पौडेलसहित निकट नेताको व्यवस्थापन गर्न सभापति कोइराला एक वरिष्ठ उपसभापतिसहित केही महामन्त्री र उपसभापति थप गर्ने पक्षमा छन्।

वरिष्ठ नेता देउवा उपसभापति र महामन्त्री थप गर्न सकारात्मक नदेखिएपछि कोइराला प्रभावशाली नेताको व्यवस्थापनका लागि प्रादेशिक संरचनाअनुसार उपसभापतिको संख्या बढाउने गरी विधान संश्ाोधन तयारीमा जुटेका छन्। आफूनिकट नेताहरुको व्यवस्थापनका लागि वरिष्ठ नेता देउवाले प्रदेशको जिम्मा सहमहामन्त्रीलाई दिनुपर्ने भन्दै त्यसको संख्या बढाउन लागेपछि कोइराला उपसभापतिलाई प्रदेशको जिम्मा दिने तयारीमा जुटेका हुन्।

कोइरालाले एक वरिष्ठ उपसभापतिसहित सात प्रदेशमा एक/एक उपसभापति बनाउने गरी गृहकार्य थाल्न निकट नेतालाई निर्देशन दिइसकेका छन्। आफू निकटलाई पद व्यवस्थापन गर्न देउवा पनि सहमहामन्त्री संख्या थप्ने पक्षमा छन्।

८५ सदस्यीय कांग्रेसको विधानमा एक उपसभापति, दुई महामन्त्री र एक/एक सहमहामन्त्री र कोषाध्यक्ष रहने व्यवस्था छ।

प्रतिक्रिया

रोल्पाका अधिकांश छात्र छात्रा सि ग्रेडमा

रोल्पा-प्रवेशिका परीक्षा एसएलसीमा जिल्लाका अधिकाश छात्रछात्रा सि ग्रेडमा उत्तिर्ण भएको जिल्ला शिक्षा कार्यालयले जानकारी दिएको छ। जिशिकाका अनुसार नियमित तर्फ एक हजार ३६ छात्रछात्रा सि ग्रेडमा उत्तिर्ण भएका छन।

राष्ट्रिय परीक्षा बोर्ड छिट्टै गठन गरिने

काठमाडौँ-शिक्षा सचिव विश्वप्रकाश पण्डितले शिक्षा ऐन– २०७३ प्रमाणीकरण भएपछि राष्ट्रिय परीक्षा बोर्ड गठन गरिने बताएका छन्। उमावि सङ्घ (हिसान)ले आज आयोजना गरेको शिक्षा ऐनसम्बन्धी अन्तर्क्रियामा सचिव पण्डितले ऐन कार्यान्वयन गराउने...

नाम छुटेको भन्दै भूकम्प पीडितले गाविसमा ताला लगाए

गोरखा- ताप्ले गाविसका स्थानीयले भूकम्प पीडितले घर बनाउन पाउने अनुदानमा आफ्नो नाम छुटेको भ्रन्दै गाविस कार्यालयमा शुक्रवार तालाबन्दी गरेका छन्। रातो कार्ड पाएका, विद्युतीय तथ्याङ्ककबाट गरिएको सर्वेक्षणमा नाम छुटेको भन्दै...

समता स्कुलबाट ए प्लसमा १ सय ४, ए मा ४ सय ४३

समता स्कुलबाट ए प्लसमा १ सय ४, ए मा ४ सय ४३

काठमाडौं-मासिक एक सय शुल्क लिएर अंग्रेजी माध्यममा नर्सरीदेखि स्नात्तोकोतरसम्म अध्ययन गराउँदै आएको समता शिक्षा निकेतन विद्यालयले यो वर्षको एसएलसीमा पनि उत्कृष्ट नतिजा ल्याएको छ।

विराटनगरका ३ डाक्टर पक्राउ

विराटनगर-नक्कली शैक्षिक प्रमाणपत्रको आरोपमा प्रहरीले विराटनगरका तीनजना चर्चित डाक्टरलाई शुक्रवार पक्राउ गरेको छ। वरिष्ठ फिजिशियन जावेद अख्तर अन्सारी, बालरोग विशेषज्ञ डा. सञ्जय दास र अर्थोपेडिक सर्जन डा. अबुल कलामलाई प्रहरीले...

सीआईबीद्वारा वीरगन्जका ९ चिकित्सक गिरफ्तार, सबैलाई काठमाडौं लगियो

वीरगन्ज– नेपाल प्रहरीको केन्द्रीय अन्सुन्धान ब्युरो(सीआईबी)को टोलीले वीरगन्जका ९ जना चिकित्सकलाई नियन्त्रणमा शुक्रबार बिहान गिरफ्तार गरेको छ।

नक्कली प्रमाणपत्र अभियोगमा चर्चित डा.जावेद पक्राउ

विराटनगर— नक्कली शैक्षिक प्रमाणपत्रको आरोपमा प्रहरीले विराटनगरका चर्चित फिजिशियन डाक्टर जावेद अख्तर अन्सारीलाई शुक्रवार पक्राउ गरेको छ। विराटनगरस्थित लाइफ गार्ड अस्पतालबाट प्रहरीको केन्द्रीय अनुसन्धान ब्युरो (सिआईबी) को टोलीले उनलाई पक्राउ...

अवैध सुन तथा ९० थान हाते घडीसहित पक्राउ

काठमाडौं– सिन्धुपालचोक चौतारा– ३ बस्ने ३४ वर्षीय ताराबहादुर श्रेष्ठलाई प्रहरीले बिहीबार राति त्रिभुवन अन्तर्राष्ट्रिय बिमानस्थलको पार्किङ एरियाबाट ५० ग्राम सुन जस्तो देखीने पहेंलो धातुसहित पक्राउ गरेको छ।