Thursday 13 Shrawn, 2073 |
Menu

समाज

republica-headerdiscount-subscribe1

istl

नाकाबन्दीले भारतलाई पनि घाटा

(0 votes)
काठमाडौं- भारतको नाकाबन्दीले नेपाललाई दैनिक जीवन कष्टकर भएको त छ नै, भारत स्वयंलाई पनि फाइदा भएको भने देखिन्न किनकि नेपालको वैदेशिक व्यापारमा भारत आफ्नो हिस्सा गुमाउँदै गएको छ। नेपालको भारतसँग व्यापारमा भारतबाट आयात धेरै र नेपालको निर्यात कम रहेकोमा समग्र व्यापार घट्दा भारतलाई घाटा हुन्छ।

nepali-patro-june
भन्सार विभागको तथ्यांक अनुसार नेपालको वैदेशिक व्यापारमा तेस्रो मुलुकको हिस्सा करिब तेब्बर भएको छ। वैदेशिक व्यापारमा भारत तथा चीनबाहेकका मुलुकलाई तेस्रो मुलुक भनिन्छ। गत आर्थिक वर्ष २०७१–७२ को मंसिर महिनासम्ममा ११ प्रतिशतमात्र रहेको तेस्रो मुलुकसँगको व्यापार चालु आर्थिक वर्षको मंसिर मसान्तमा ३१ प्रतिशत भएको हो।

भन्सार विभागका महानिर्देशक शिशिर ढुंगानाका अनुसार समग्रमा वैदेशिक व्यापार कम भएकाले भारतको हिस्सा घटेको हो।

भारतले नेपालको संविधान जारी भएपछि आफ्नो असहमति जाहेर गर्न नेपालमाथि आर्थिक नाकाबन्दी लगाएपछि नेपालमा दैनिक उपभोग्य सामग्री विशेषतः पेट्रोलियम पदार्थकोे चरम अभाव भएकाले उद्योगधन्दा, कलकारखाना सञ्चालन हुन नसकेपछि वैदेशिक व्यापारमा, विशेषतः भारतसँगको व्यापार घट्नु स्वाभाविक हो। तर तेस्रो मुलुकसँगको व्यापार बढ्नुको श्रेय ढुंगाना सुख्खा बन्दरगाहलाई दिन्छन्।

'हामीले कात्तिक १५ देखि सुख्खा बन्दरगाहमा तेस्रो देश निर्यातका लागि तयार रहेका १४,००० लोडेड ट्रक बाहिर पठाउन सफल भयौं,' उनले भने, 'जसका कारण पनि मुलुकसँगको व्यापारमा तीव्रता आयो।' यस्तै, तराई–मधेस आन्दोलनले त्रिभुवन अन्तर्राष्ट्रिय विमान भन्सार अछुतो रहेकाले पनि तेस्रो मुलुकको निर्यात बढेको ढुंगानाको भनाइ छ।

तर, तराई–मधेस केन्द्रित राजनीतिक दलको आन्दोलन तथा भारतको नाकाबन्दीले भारतसँगको व्यापार हिस्सा भने घटेर ५४ प्रतिशतमा झरेको छ। गत आर्थिक वर्षको मंसिर मसान्तमा ६५ प्रतिशत रहेको भारतसँगको व्यापारको हिस्सा चालु आर्थिक वर्षको मंसिर समान्तमा झरेर ५४ प्रतिशत भएको हो।

तराई–मधेस केन्द्रित राजनीतिक दलको आन्दोलन तथा भारतको नाकाबन्दीले नेपालको प्रमुख व्यापारिक नाका वीरगन्ज सञ्चालनमा आउन सकेको छैन। नेपालको ७० प्रतिशत वैदेशिक व्यापार हुने वीरगन्ज भन्सार नाका पूर्णरूपमा सञ्चालनमा नआउन्जेल नेपालको वैदेशिक व्यापार विशेषतः भारतसँग सुधार नहुने पनि भन्सार विभागले जनाएको छ।

यस्तै, नेपालको चीनसँगको व्यापारको हिस्सा पनि घटेको छ। वैशाखको महाभूकम्पपछि चीनसँगको व्यापारको एकमात्र मार्ग तातोपानी सञ्चालनमा आउन नसकेको तथा दोस्रो नाका केरुङ पनि पूर्णरूपमा सञ्चालनमा नआइसकेकाले चीनसँगको व्यापार हिस्सा घटेको हो। भन्सार विभागका अनुसार गत आर्थिक वर्षको मंसिर मसान्तमा नेपालको चीनसँगको व्यापार हिस्सा २४ प्रतिशत रहेकामा चालु आर्थिक वर्षमा घटेर १५ प्रतिशतमात्र भएको छ।

अर्थ मन्त्रालयका अनुसार चीन तथा भारतसँग व्यापार सहज नहुँदा सरकारले मंसिर मसान्तसम्ममा ५० अर्ब राजस्व गुमाएको छ।

प्रतिक्रिया

रोल्पाका अधिकांश छात्र छात्रा सि ग्रेडमा

रोल्पा-प्रवेशिका परीक्षा एसएलसीमा जिल्लाका अधिकाश छात्रछात्रा सि ग्रेडमा उत्तिर्ण भएको जिल्ला शिक्षा कार्यालयले जानकारी दिएको छ। जिशिकाका अनुसार नियमित तर्फ एक हजार ३६ छात्रछात्रा सि ग्रेडमा उत्तिर्ण भएका छन।

राष्ट्रिय परीक्षा बोर्ड छिट्टै गठन गरिने

काठमाडौँ-शिक्षा सचिव विश्वप्रकाश पण्डितले शिक्षा ऐन– २०७३ प्रमाणीकरण भएपछि राष्ट्रिय परीक्षा बोर्ड गठन गरिने बताएका छन्। उमावि सङ्घ (हिसान)ले आज आयोजना गरेको शिक्षा ऐनसम्बन्धी अन्तर्क्रियामा सचिव पण्डितले ऐन कार्यान्वयन गराउने...

नाम छुटेको भन्दै भूकम्प पीडितले गाविसमा ताला लगाए

गोरखा- ताप्ले गाविसका स्थानीयले भूकम्प पीडितले घर बनाउन पाउने अनुदानमा आफ्नो नाम छुटेको भ्रन्दै गाविस कार्यालयमा शुक्रवार तालाबन्दी गरेका छन्। रातो कार्ड पाएका, विद्युतीय तथ्याङ्ककबाट गरिएको सर्वेक्षणमा नाम छुटेको भन्दै...

समता स्कुलबाट ए प्लसमा १ सय ४, ए मा ४ सय ४३

समता स्कुलबाट ए प्लसमा १ सय ४, ए मा ४ सय ४३

काठमाडौं-मासिक एक सय शुल्क लिएर अंग्रेजी माध्यममा नर्सरीदेखि स्नात्तोकोतरसम्म अध्ययन गराउँदै आएको समता शिक्षा निकेतन विद्यालयले यो वर्षको एसएलसीमा पनि उत्कृष्ट नतिजा ल्याएको छ।

विराटनगरका ३ डाक्टर पक्राउ

विराटनगर-नक्कली शैक्षिक प्रमाणपत्रको आरोपमा प्रहरीले विराटनगरका तीनजना चर्चित डाक्टरलाई शुक्रवार पक्राउ गरेको छ। वरिष्ठ फिजिशियन जावेद अख्तर अन्सारी, बालरोग विशेषज्ञ डा. सञ्जय दास र अर्थोपेडिक सर्जन डा. अबुल कलामलाई प्रहरीले...

सीआईबीद्वारा वीरगन्जका ९ चिकित्सक गिरफ्तार, सबैलाई काठमाडौं लगियो

वीरगन्ज– नेपाल प्रहरीको केन्द्रीय अन्सुन्धान ब्युरो(सीआईबी)को टोलीले वीरगन्जका ९ जना चिकित्सकलाई नियन्त्रणमा शुक्रबार बिहान गिरफ्तार गरेको छ।

नक्कली प्रमाणपत्र अभियोगमा चर्चित डा.जावेद पक्राउ

विराटनगर— नक्कली शैक्षिक प्रमाणपत्रको आरोपमा प्रहरीले विराटनगरका चर्चित फिजिशियन डाक्टर जावेद अख्तर अन्सारीलाई शुक्रवार पक्राउ गरेको छ। विराटनगरस्थित लाइफ गार्ड अस्पतालबाट प्रहरीको केन्द्रीय अनुसन्धान ब्युरो (सिआईबी) को टोलीले उनलाई पक्राउ...

अवैध सुन तथा ९० थान हाते घडीसहित पक्राउ

काठमाडौं– सिन्धुपालचोक चौतारा– ३ बस्ने ३४ वर्षीय ताराबहादुर श्रेष्ठलाई प्रहरीले बिहीबार राति त्रिभुवन अन्तर्राष्ट्रिय बिमानस्थलको पार्किङ एरियाबाट ५० ग्राम सुन जस्तो देखीने पहेंलो धातुसहित पक्राउ गरेको छ।