Monday 10 Shrawn, 2073 |
Menu

समाज

republica-headerdiscount-subscribe1

istl

आहा रारा गोल्डकपमा १४ टोली

(0 votes)
पोखरा- पोखरामा अर्को महिना हुने आहा रारा गोल्डकपको १४ औं संस्करणमा शहिद स्मारक 'ए' डिभिजन लिगका ६ सहित १४ टोलीको सहभागिता रहने भएको छ।
nepali-patro-june
माघ ५ देखि १६ गतेसम्म पोखरा रंगशालामा हुने प्रतियोगितामा 'ए' डिभिजनका टोलीमध्ये राष्ट्रिय लिग च्याम्पियन रुस्लान थ्री स्टार, लक्ष्मी हुन्डाई मनाङ मर्सयाङदी, सशस्त्र प्रहरी बलको एपिएफ, त्रिभुवन आर्मी, नेपाल पुलिस क्लब तथा जावलाखेल युथ क्लबको सहभागिता रहने आयोजक सहारा क्लबका अध्यक्ष वीरभद्र आचार्यले जानकारी गराए। यसैगरी असोजमा सम्पन्न राष्ट्रिय लिगमा सनसनीपूर्ण प्रदर्शन गरेको रमपम झापा ११ को पनि सहभागिता रहनेछ।

प्रतियोगिताका सहभागि अन्य टोलीमा आयोजक, मध्यमाञ्चल र पूर्वाञ्चल तथा केही विदेशी क्लब पनि हुने आचार्यले आइतबार पत्रकार सम्मेलनमा जानकारी गराए।

अध्यक्ष आचार्यले विदेशी टोलीलाई सहभागि गराउन पत्रचार भइरहेको जानकारी दिए। 'भारत, भुटान र बंगलादेशका क्लबहरुलाई सहभागी गराउने प्रयास भइरहेको छ,' उनले भने, 'केही दिनमा यो विषयमा टुंगो लाग्नेछ।' विदेशी क्लबलाई ल्याउँदा फुटबलको माहोल बढ्ने आचार्यले विश्वास व्यक्त गरे।

प्रतियोगिताको पुरस्कार राशी बढाउने तयारी भइरहे पनि अन्तिम निर्णय गरिनसकेको अध्यक्ष आचार्यले बताए। 'कति बढाउने भन्ने अझै यकिन भएको छैन,' उनले भने,' खेलाडीको मनोबल बढाउन पनि पुरस्कार राशी बढाउने पक्षमा छौं।'

गत वर्ष आहाको विजेताले ३ लाख ५१ हजार तथा उपविजेताले २ लाख १ हजार रुपैयाँ प्राप्त गरेका थिए।

नाकावन्दी र त्यसले उत्पन्न गरेको अभावबीच प्रतियोगिता गर्नु चुनौतीपूर्ण रहेको उल्लेख गर्दै अध्यक्ष आचार्यले भने, 'कठीन अवस्थामा पनि प्रतियोगिता गर्दैछौं। त्यति बेला सम्म समस्या समाधान हुनेछ भन्ने आशा गरौं। संकट टरे पनि असर रहिरहन्छ। तर पनि प्रतियोगिता गर्नेछौ।'

'क्लवले चलाएको एकेडेमीको खर्च धान्नका लागि पनि प्रतियोगिता गर्न जरुरी छ। यही प्रतियोगिताको आम्दानीले एकेडेमी चलाउने हो,' उनले थपे, 'एकेडेमीमा रहेका २६ जना वालकको भविष्य प्रतियोगितासँग जोडिएको छ।' विगतमा द्वन्द्वको बेला पनि प्रतियोगिता गरेको स्मरण गर्दै आचार्यले प्रतियोगिता जुनै हालतमा पनि गर्नुपर्नेमा जोड दिए।

खेलमिलेमतो प्रकरणले पछिल्लो समय फुटबलप्रति नकारात्मक भावना मौलाएकोले त्यसलाई कम गराउन प्रतियोगिताले सघाउने आयोजकको विश्वास छ। 'दर्शक र खेलाडीमा पनि केही निराशा पक्कै छ। तर, हामी फुटबलमा अझै भविष्य छ, निराश हुनुपर्ने अवस्था छैन भन्ने सन्देश दिन चाहन्छौं,' आचार्यले भने, 'राजधानीमा यति बेला कुनै प्रतियोगिता छैन। त्यसैले पनि आहा रारा गर्नुपर्छ।'

दर्शकलाई सुनको सिक्का

प्रतियोगितामा बढी संख्यामा दर्शक भिœयाउन यो संस्करणमा पहिलो पटक एकतोला सुनको सिक्का पनि पुरस्कार राखिएको छ। प्रतियोगिता अवधिमा टिकट काटेर फुटबल हेर्न आएका मध्ये गोलाप्रथाबाट एकजना दर्शकले सुनको सिक्का पाउनेछन्। त्यस्तै टिभी, लगायतका पुरस्कार पनि राखिने अध्यक्ष आचार्यले बताए।

प्रतिक्रिया

रोल्पाका अधिकांश छात्र छात्रा सि ग्रेडमा

रोल्पा-प्रवेशिका परीक्षा एसएलसीमा जिल्लाका अधिकाश छात्रछात्रा सि ग्रेडमा उत्तिर्ण भएको जिल्ला शिक्षा कार्यालयले जानकारी दिएको छ। जिशिकाका अनुसार नियमित तर्फ एक हजार ३६ छात्रछात्रा सि ग्रेडमा उत्तिर्ण भएका छन।

राष्ट्रिय परीक्षा बोर्ड छिट्टै गठन गरिने

काठमाडौँ-शिक्षा सचिव विश्वप्रकाश पण्डितले शिक्षा ऐन– २०७३ प्रमाणीकरण भएपछि राष्ट्रिय परीक्षा बोर्ड गठन गरिने बताएका छन्। उमावि सङ्घ (हिसान)ले आज आयोजना गरेको शिक्षा ऐनसम्बन्धी अन्तर्क्रियामा सचिव पण्डितले ऐन कार्यान्वयन गराउने...

नाम छुटेको भन्दै भूकम्प पीडितले गाविसमा ताला लगाए

गोरखा- ताप्ले गाविसका स्थानीयले भूकम्प पीडितले घर बनाउन पाउने अनुदानमा आफ्नो नाम छुटेको भ्रन्दै गाविस कार्यालयमा शुक्रवार तालाबन्दी गरेका छन्। रातो कार्ड पाएका, विद्युतीय तथ्याङ्ककबाट गरिएको सर्वेक्षणमा नाम छुटेको भन्दै...

समता स्कुलबाट ए प्लसमा १ सय ४, ए मा ४ सय ४३

समता स्कुलबाट ए प्लसमा १ सय ४, ए मा ४ सय ४३

काठमाडौं-मासिक एक सय शुल्क लिएर अंग्रेजी माध्यममा नर्सरीदेखि स्नात्तोकोतरसम्म अध्ययन गराउँदै आएको समता शिक्षा निकेतन विद्यालयले यो वर्षको एसएलसीमा पनि उत्कृष्ट नतिजा ल्याएको छ।

विराटनगरका ३ डाक्टर पक्राउ

विराटनगर-नक्कली शैक्षिक प्रमाणपत्रको आरोपमा प्रहरीले विराटनगरका तीनजना चर्चित डाक्टरलाई शुक्रवार पक्राउ गरेको छ। वरिष्ठ फिजिशियन जावेद अख्तर अन्सारी, बालरोग विशेषज्ञ डा. सञ्जय दास र अर्थोपेडिक सर्जन डा. अबुल कलामलाई प्रहरीले...

सीआईबीद्वारा वीरगन्जका ९ चिकित्सक गिरफ्तार, सबैलाई काठमाडौं लगियो

वीरगन्ज– नेपाल प्रहरीको केन्द्रीय अन्सुन्धान ब्युरो(सीआईबी)को टोलीले वीरगन्जका ९ जना चिकित्सकलाई नियन्त्रणमा शुक्रबार बिहान गिरफ्तार गरेको छ।

नक्कली प्रमाणपत्र अभियोगमा चर्चित डा.जावेद पक्राउ

विराटनगर— नक्कली शैक्षिक प्रमाणपत्रको आरोपमा प्रहरीले विराटनगरका चर्चित फिजिशियन डाक्टर जावेद अख्तर अन्सारीलाई शुक्रवार पक्राउ गरेको छ। विराटनगरस्थित लाइफ गार्ड अस्पतालबाट प्रहरीको केन्द्रीय अनुसन्धान ब्युरो (सिआईबी) को टोलीले उनलाई पक्राउ...

अवैध सुन तथा ९० थान हाते घडीसहित पक्राउ

काठमाडौं– सिन्धुपालचोक चौतारा– ३ बस्ने ३४ वर्षीय ताराबहादुर श्रेष्ठलाई प्रहरीले बिहीबार राति त्रिभुवन अन्तर्राष्ट्रिय बिमानस्थलको पार्किङ एरियाबाट ५० ग्राम सुन जस्तो देखीने पहेंलो धातुसहित पक्राउ गरेको छ।