Friday 24 Mangshir, 2073 |
Menu

समाज

republica-headerdiscount-subscribe1

istl

दोषीलाई जोगाउन डाक्टरहरुको आन्दोलन

  • बिहीबार २ जेष्ठ, २०७०
  • रोहित राई
  • Be the first to comment!
(0 votes)
धरान - लापरवाहीपुर्ण तरिकाले पत्थरीको अप्रेशन गरेपछि विरामीको मृत्यु भएको घटनाका दोषी चिकित्सकलाई जोगाउन आकस्मिक बाहेक सबै उपचार सेवा ठप्प बनाएर बीपी कोइराला स्वास्थ्य विज्ञान प्रतिष्ठानका फ्याकल्टि चिकित्सकहरु आन्दोलनमा उत्रिएपछि बुधबार पीडितका आफन्त र स्थानीयले उपकुलपति कार्यालयमा घेराउ गरेका छन्।
छानबिन समिति गठन भइसकेको र सर्जरी विभागमा लगाएको तालासमेत खोलिसकेको अवस्थामा चिकित्सकले छानबीन नै प्रभावित पार्ने गरि दोषीलाई जोगाउने षडयन्त्र गरेको भन्दै पीडितका आफन्त र स्थानीयले घेराउ गरेका हुन्। विरामीको मृत्युसमेत भइसकेको अवस्थामा चिकित्सकहरुले आन्दोलन गरेर पीडित परिवार र जनतालाई थप पीडा दिने काम गरेको पीडित पक्षले जनाएको छ। 
'मंगलबार बेलुका नै छानबीन समिति बनेपछि ताला पनि खोल्यौं, त्यसको केही समय पछि विरामी पनि बित्नुभयो’, समिति सदस्य जनकऋर्षि राईले भने, 'मानवीय क्षति भएको छ र, पनि हामीले संयमता अपनायौं, तर आज चिकित्सकले घटनाबारे छानबीन नै नहोस् भन्दै षडयन्त्रमा लागेपछि दबाबस्वरुप मौन आन्दोलन गर्न बाध्य भयौं।’ 
दिउसो तीन बजेदेखि करिब साढे ६ बजेसम्म उपकुलपति कार्यालयमा उनीहरु धर्ना बसेका थिए। धर्ना क्रममा आफन्त र प्रतिष्ठान पदाधिकारीबीच भएको वार्तामा बिहीबारदेखि समितिले काम शुरु गर्ने सहमति भएको थियो। समितिको संयोजकमा काठमाडौंबाट युरोलोजिष्ट गुणकुमार श्रेष्ठ आउने प्रतिष्ठानले जनाएको थियो। साता दिनअघि पत्थरीको अप्रेशन गरिएकी धरान–११ सृर्जना मार्गकी मनमाया तामाङको मंगलबार राती सघन उपचार कक्षमा मृत्यु भएको प्रतिष्ठानले घोषणा गरेको थियो। पीडित परिवारजनले समितिले निष्पक्ष काम शुरु नगरेसम्म शव जिम्मा नलिने जनाएको छ।
सर्जरी विभाग प्रमुख डा.सिएस अग्रवालले अप्रेशन गर्दा लापरवाही गरेको भन्दै आफन्तले विभागमा ताला लगाएपछि प्रतिष्ठानले मंगलबार पाँच सदस्यीय छानबीन समिति गठन गरेको थियो। समिति गठन भएपछि विरामीका आफन्तले तत्कालै विभागको ताला खोलेका थिए। 
बुधबार अचानक चिकित्सकहरु आन्दोलनमा उत्रिएपछि ओपिडी सेवा ठप्प भएको थियो। चिकित्सकहरुले एक विज्ञप्ती जारी गर्दै सर्जरी विभागका प्रमुखको कार्यकक्षमा ताला लगाउन संलग्नहरुलाई कारबाहीको माग गरेको थियो।

प्रतिक्रिया

रोल्पाका अधिकांश छात्र छात्रा सि ग्रेडमा

रोल्पा-प्रवेशिका परीक्षा एसएलसीमा जिल्लाका अधिकाश छात्रछात्रा सि ग्रेडमा उत्तिर्ण भएको जिल्ला शिक्षा कार्यालयले जानकारी दिएको छ। जिशिकाका अनुसार नियमित तर्फ एक हजार ३६ छात्रछात्रा सि ग्रेडमा उत्तिर्ण भएका छन।

राष्ट्रिय परीक्षा बोर्ड छिट्टै गठन गरिने

काठमाडौँ-शिक्षा सचिव विश्वप्रकाश पण्डितले शिक्षा ऐन– २०७३ प्रमाणीकरण भएपछि राष्ट्रिय परीक्षा बोर्ड गठन गरिने बताएका छन्। उमावि सङ्घ (हिसान)ले आज आयोजना गरेको शिक्षा ऐनसम्बन्धी अन्तर्क्रियामा सचिव पण्डितले ऐन कार्यान्वयन गराउने...

नाम छुटेको भन्दै भूकम्प पीडितले गाविसमा ताला लगाए

गोरखा- ताप्ले गाविसका स्थानीयले भूकम्प पीडितले घर बनाउन पाउने अनुदानमा आफ्नो नाम छुटेको भ्रन्दै गाविस कार्यालयमा शुक्रवार तालाबन्दी गरेका छन्। रातो कार्ड पाएका, विद्युतीय तथ्याङ्ककबाट गरिएको सर्वेक्षणमा नाम छुटेको भन्दै...

समता स्कुलबाट ए प्लसमा १ सय ४, ए मा ४ सय ४३

समता स्कुलबाट ए प्लसमा १ सय ४, ए मा ४ सय ४३

काठमाडौं-मासिक एक सय शुल्क लिएर अंग्रेजी माध्यममा नर्सरीदेखि स्नात्तोकोतरसम्म अध्ययन गराउँदै आएको समता शिक्षा निकेतन विद्यालयले यो वर्षको एसएलसीमा पनि उत्कृष्ट नतिजा ल्याएको छ।

विराटनगरका ३ डाक्टर पक्राउ

विराटनगर-नक्कली शैक्षिक प्रमाणपत्रको आरोपमा प्रहरीले विराटनगरका तीनजना चर्चित डाक्टरलाई शुक्रवार पक्राउ गरेको छ। वरिष्ठ फिजिशियन जावेद अख्तर अन्सारी, बालरोग विशेषज्ञ डा. सञ्जय दास र अर्थोपेडिक सर्जन डा. अबुल कलामलाई प्रहरीले...

सीआईबीद्वारा वीरगन्जका ९ चिकित्सक गिरफ्तार, सबैलाई काठमाडौं लगियो

वीरगन्ज– नेपाल प्रहरीको केन्द्रीय अन्सुन्धान ब्युरो(सीआईबी)को टोलीले वीरगन्जका ९ जना चिकित्सकलाई नियन्त्रणमा शुक्रबार बिहान गिरफ्तार गरेको छ।

नक्कली प्रमाणपत्र अभियोगमा चर्चित डा.जावेद पक्राउ

विराटनगर— नक्कली शैक्षिक प्रमाणपत्रको आरोपमा प्रहरीले विराटनगरका चर्चित फिजिशियन डाक्टर जावेद अख्तर अन्सारीलाई शुक्रवार पक्राउ गरेको छ। विराटनगरस्थित लाइफ गार्ड अस्पतालबाट प्रहरीको केन्द्रीय अनुसन्धान ब्युरो (सिआईबी) को टोलीले उनलाई पक्राउ...

अवैध सुन तथा ९० थान हाते घडीसहित पक्राउ

काठमाडौं– सिन्धुपालचोक चौतारा– ३ बस्ने ३४ वर्षीय ताराबहादुर श्रेष्ठलाई प्रहरीले बिहीबार राति त्रिभुवन अन्तर्राष्ट्रिय बिमानस्थलको पार्किङ एरियाबाट ५० ग्राम सुन जस्तो देखीने पहेंलो धातुसहित पक्राउ गरेको छ।