Friday 14 Shrawn, 2073 |
Menu

समाज

republica-headerdiscount-subscribe1

istl

गाविसको खाता नेताको नाउँमा

(0 votes)
बारा - डुमरवाना गाविसको आन्तरिक आम्दानी सर्वदलीय समितिका प्रतिनिधिको व्यक्तिगत खातामा जम्मा भएको पाइएको छ। त्यस्तो आम्दानी दलहरुले समितिमार्फत विकासका नाउँमा जथाभावी खर्चंदै आएका छन्।
nepali-patro-june
गाविसको रकम दलहरुले आलोपालो गरी आ–आफ्नो नामबाट खातामा राख्दै आएका छन्। आर्थिक वर्ष २०६७/०६८ मा गाविसको खातामा जम्मा गर्नुपर्ने ३० लाख रुपैयाँ समितिका सदस्यले मनोमानी खर्चेका छन्। साना किसान कृषि सहकारी संस्थामा माओवादीका तत्कालीन प्रतिनिधि केशवप्रसाद थपलिया र फोरम प्रतिनिधि कृष्णबाबु चौधरीको नाउँबाट बैंक खाता नं ३/२/२९७ मा सञ्चालन गरिएको छ।
थपलियाले सुरुमा समितिको खातामा ढुंगा, बालुवा र ठेक्काको १५ लाख, गाविसभित्रको सिसौका रुख ठेक्काका लागि ७ लाख र अन्य ३० लाख रुपैयाँ नगद जम्मा गरिएको र समितिको निर्णयअनुसार विकासमा खर्च भएको बताए। 
अहिले एकीकृत माओवादीका टेकप्रसाद अधिकारी, कांग्रेसका राजकुमार सेढाईं र एमालेका रुपलाल चौधरीको नाउँबाट बैंक खाता संयुक्त रुपमा सञ्चालन गरिएको छ।
२०६९ साउन १४ गते सर्वदलीय समितिका तिनै सदस्यको नाउँका पुनः सञ्चालन गरिएको खातामा १ लाख ९ हजार रकम मात्र छ। चौधरीले खाताको रकमबारे थाहा नभएको बताए। उनले १५ हजार रुपैयाँ निकालेर सदरमुकाम डेलिगेसन गएको र बाँकी खातामै हुनुपर्ने बताए। 
समितिको नाउँबाट अर्थिक वर्ष २०६९/०७० को गाविसभित्र पर्ने ढुंगा, बालुवा ठेक्का राजकुमार अर्यालले १५ लाख ६६ हजार रुपैयाँमा सकारेका थिए। 
गाविसमा गैरकानुनी रुपमा समितिको नाउँबाट ढुंगा, बालुवाको राजस्व उठिरहेको गुनासो आएपछि बारा प्रशासनले त्यसो गर्न रोक लगाएको थियो। प्रशासनले रोक लगाएपछि उक्त राजस्व अहिले डुमरवाना क्याम्पसको नाउँबाट उठिरहेको छ। 
डुमरवाना गाविस सचिव कमलप्रसाद भुर्तेलले दलहरुले समितिको नाउँबाट पहिलादेखि नै खाता सञ्चालन गरेको बताए। सचिवले समितिको नाउँमा रहने गाविसको आन्तरिक स्रोतको रकम जथाभावी खर्च भएको गुनासोसमेत गरे। 
अख्तियार दुरुपयोग अनुसन्धान आयोगका तत्कालीन सचिव भगवतीप्रसाद काफ्लेको पालामा करोडौं रकम अनियमितता भएको भन्दै आयोगले देशभरका स्थानीय निकायका सर्वदलीय समिति खारेज गर्न निर्देशन दिएको थियो। लगत्तै स्थानिय विकास मन्त्रालयले २०६८ पुसदेखि खारेज गरेको थियो। 
तर, डुमरवानामा खारेज भएन। स्थानीय विकास अधिकारी बद्रिकृष्ण संखदेवले सर्वदलीय समितिको नाउँबाट गाविसले खर्च गर्नुपर्ने रकम खर्च गरेकोबारे अनुसन्धान गरी कारवाही गर्ने बताए।

प्रतिक्रिया

रोल्पाका अधिकांश छात्र छात्रा सि ग्रेडमा

रोल्पा-प्रवेशिका परीक्षा एसएलसीमा जिल्लाका अधिकाश छात्रछात्रा सि ग्रेडमा उत्तिर्ण भएको जिल्ला शिक्षा कार्यालयले जानकारी दिएको छ। जिशिकाका अनुसार नियमित तर्फ एक हजार ३६ छात्रछात्रा सि ग्रेडमा उत्तिर्ण भएका छन।

राष्ट्रिय परीक्षा बोर्ड छिट्टै गठन गरिने

काठमाडौँ-शिक्षा सचिव विश्वप्रकाश पण्डितले शिक्षा ऐन– २०७३ प्रमाणीकरण भएपछि राष्ट्रिय परीक्षा बोर्ड गठन गरिने बताएका छन्। उमावि सङ्घ (हिसान)ले आज आयोजना गरेको शिक्षा ऐनसम्बन्धी अन्तर्क्रियामा सचिव पण्डितले ऐन कार्यान्वयन गराउने...

नाम छुटेको भन्दै भूकम्प पीडितले गाविसमा ताला लगाए

गोरखा- ताप्ले गाविसका स्थानीयले भूकम्प पीडितले घर बनाउन पाउने अनुदानमा आफ्नो नाम छुटेको भ्रन्दै गाविस कार्यालयमा शुक्रवार तालाबन्दी गरेका छन्। रातो कार्ड पाएका, विद्युतीय तथ्याङ्ककबाट गरिएको सर्वेक्षणमा नाम छुटेको भन्दै...

समता स्कुलबाट ए प्लसमा १ सय ४, ए मा ४ सय ४३

समता स्कुलबाट ए प्लसमा १ सय ४, ए मा ४ सय ४३

काठमाडौं-मासिक एक सय शुल्क लिएर अंग्रेजी माध्यममा नर्सरीदेखि स्नात्तोकोतरसम्म अध्ययन गराउँदै आएको समता शिक्षा निकेतन विद्यालयले यो वर्षको एसएलसीमा पनि उत्कृष्ट नतिजा ल्याएको छ।

विराटनगरका ३ डाक्टर पक्राउ

विराटनगर-नक्कली शैक्षिक प्रमाणपत्रको आरोपमा प्रहरीले विराटनगरका तीनजना चर्चित डाक्टरलाई शुक्रवार पक्राउ गरेको छ। वरिष्ठ फिजिशियन जावेद अख्तर अन्सारी, बालरोग विशेषज्ञ डा. सञ्जय दास र अर्थोपेडिक सर्जन डा. अबुल कलामलाई प्रहरीले...

सीआईबीद्वारा वीरगन्जका ९ चिकित्सक गिरफ्तार, सबैलाई काठमाडौं लगियो

वीरगन्ज– नेपाल प्रहरीको केन्द्रीय अन्सुन्धान ब्युरो(सीआईबी)को टोलीले वीरगन्जका ९ जना चिकित्सकलाई नियन्त्रणमा शुक्रबार बिहान गिरफ्तार गरेको छ।

नक्कली प्रमाणपत्र अभियोगमा चर्चित डा.जावेद पक्राउ

विराटनगर— नक्कली शैक्षिक प्रमाणपत्रको आरोपमा प्रहरीले विराटनगरका चर्चित फिजिशियन डाक्टर जावेद अख्तर अन्सारीलाई शुक्रवार पक्राउ गरेको छ। विराटनगरस्थित लाइफ गार्ड अस्पतालबाट प्रहरीको केन्द्रीय अनुसन्धान ब्युरो (सिआईबी) को टोलीले उनलाई पक्राउ...

अवैध सुन तथा ९० थान हाते घडीसहित पक्राउ

काठमाडौं– सिन्धुपालचोक चौतारा– ३ बस्ने ३४ वर्षीय ताराबहादुर श्रेष्ठलाई प्रहरीले बिहीबार राति त्रिभुवन अन्तर्राष्ट्रिय बिमानस्थलको पार्किङ एरियाबाट ५० ग्राम सुन जस्तो देखीने पहेंलो धातुसहित पक्राउ गरेको छ।