Friday 14 Shrawn, 2073 |
Menu

समाज

republica-headerdiscount-subscribe1

istl

आम्दा अस्पताललाई धमाधम सहयोग

  • आइतबार ९ भाद्र, २०७०
  • राजु अधिकारी
  • Be the first to comment!
(0 votes)
झापा– बन्द हुनै लागेको अवस्थामा स्थानीयबासीले अस्पताल चलाउने जाँगर देखाएपछि झापा धुलाबारीको मेची आम्दा अस्पताललाई धमाधम सहयोग जुट्न थालेको छ। पूर्वोत्तर झापाको एक मात्र यो सामुदायिक अस्पताल आर्थिक रुपमा थला परेपछि भदौदेखि बन्द गर्ने निर्णयमा आम्दा पुगेको थियो।
nepali-patro-june
तर, अस्पताल सञ्चालनमा शुरुदेखि नै आम्दासँग सहकार्य गर्दै आएका मेचीनगर नगरपालिका र मेची उद्योग वाणिज्य संघले अस्पताल बन्द हुन नदिन स्थानीयलाई गुहारेका थिए। साउन अन्तिम साता भएको एउटा सर्वपक्षीय भेलामा अस्पताल बन्द नगर्ने निर्णय भएपछि अहिले धमाधम सहयोग जुट्न थालेको हो।

यसैक्रममा शान्ति तथा पुर्ननिर्माण मन्त्रालयले अस्पताललाई भौतिक पूर्वाधार विकासका लागि ५० लाख रुपैयाँ अनुदान सहयोग दिने भएको छ । अस्पताल परिषरमा पक्की घेराबारा गर्न तथा अन्य पूर्वाधार विकासका लागि अस्पताल सञ्चालक समितिले मन्त्रालयमा प्रस्ताव पेश गरेको थियो । अस्पताल सञ्चालनमा साझेदारी गर्दै आएको मेची उद्योग वाणिज्य संघका अनुसार समितिको प्रस्तावप्रति सकारात्मक बन्दै मन्त्रालयले ५० लाख रुपैयाँ उपलब्ध गराउने भएको हो ।

त्यसैगरी आम्दा इन्टरनेशनल जापानको एउटा उच्चस्तरीय टोलीले पनि झापा आएर अस्पतालका सरोकारवालाहरुसँग छलफल गरेको छ। आम्दा इन्टरनेशनल जापानकी अन्तर्राष्ट्रिय सम्बन्ध विभागकी प्रमुख जुनुको ओगुरा नेतृत्वको टोलीले धुलाबारीमा सरोकारवालाहरुसँग अन्तरक्रिया गरेको हो। जापानी टोलीलाई अस्पताल सञ्चालक समितिले उपचारमा प्रयोग हुने उपकरणहरु सहयोग गर्न आग्रह गरेको छ । अस्पताललाई आर्थिक रुपले सबल बनाउन ल्याव असिसटेण्ट कक्षा चलाइने भएको छ । यसका लागि जापानी टोलीसँग सहयोग मागिएको हो। 'यहाँका जनताले अस्पताल चलाउन गरेको पहल प्रशंसनीय पायौं', शनिबार मात्रै काठमाडौं फर्केकी टोली प्रमुख ओगुराले भनिन् 'हामी जापान पुगेपछि अस्पतालका लागि परिणाममुखी पहल गर्नेछौं ।' उनले अन्य सहयोगका लागि पनि आफुहरु तत्पर रहेको बताएकी छन्। स्थानीय दाताले दान गरेको अस्पतालको दुई विघाभन्दा बढी जमिन नगरपालिकाको नाममा नामसारी भएपछि अन्य दाताहरुले सहयोग गर्ने वातावरण बनेको अस्पताल प्रशासनको भनाई छ ।

२०६५ देखि सेवा शुरु गरेको १५ शैय्याको यो अस्पताल सञ्चालनको पाँच वर्ष पूरा नहुँदै ७९ लाखभन्दा बढी घाटामा गएको थियो। घाटा बढेकै कारण आम्दा प्रशासनले धुलाबारीमा कार्यरत १७ जना स्वास्थ्यकर्मीलाई अवकाश दिएर सेवा बन्द गर्ने संकेत दिएको थियो । नगर क्षेत्रको अस्पताल बन्द हुन नदिन चौतर्फी दबाब परेपछि नयाँ ढंगले अस्पताल जोगाउने पहल शुरु भएको हो।

अहिले अक्षय कोष खडा गर्ने अभियान पनि शुरु भइसकेको छ। अक्षयकोषका लागि मेची उद्योग वाणिज्य संघका अध्यक्ष विजय डालमिया, कल्याण खड्का लगायतका स्थानीयले १ –१ लाख रुपैयाँ दान गर्ने घोषणा गरिसकेका छन्। त्यसबाहेक उद्योग वाणिज्य संघले तत्काललाई १० लाख रुपैयाँ र नगरपालिकाले वर्सेनि ६ लाख रुपैयाँ उपलब्ध गराउने भइसकेका छन्।

तर, स्थानीयबासीले रकमले मात्रै नभई दरिलो व्यवस्थापन र स्तरीय सेवामा अस्पतालको भविष्य निर्भर हुने बताएका छन् । 'अस्पताललाई सहयोग गर्नेहरु प्रशस्तै निस्केका छन् यो खुशीको कुरा हो', स्थानीयबासी छत्रमणि खनाल भन्छन् 'तर, पैसा ओइरिएर मात्रै अस्पताल चल्दैन । विशेषज्ञ सेवा र बलियो व्यवस्थापन आवश्यक पर्छ ।' अहिले नगरपालिकाको नेतृत्वमा अस्पतालको व्यवस्थापन हुँदै आएको छ । यद्यपि स्थापनाकालदेखि नै विशेषज्ञ चिकित्सक अस्पतालमा एक जना पनि छैनन् । स्थानीयबासीले कम्तीमा तीन जनासम्म विशेषज्ञ चिकित्सक आवश्यक पर्ने भन्दै त्यसको व्यवस्था गर्न माग गर्दै आएका छन् ।

प्रतिक्रिया

रोल्पाका अधिकांश छात्र छात्रा सि ग्रेडमा

रोल्पा-प्रवेशिका परीक्षा एसएलसीमा जिल्लाका अधिकाश छात्रछात्रा सि ग्रेडमा उत्तिर्ण भएको जिल्ला शिक्षा कार्यालयले जानकारी दिएको छ। जिशिकाका अनुसार नियमित तर्फ एक हजार ३६ छात्रछात्रा सि ग्रेडमा उत्तिर्ण भएका छन।

राष्ट्रिय परीक्षा बोर्ड छिट्टै गठन गरिने

काठमाडौँ-शिक्षा सचिव विश्वप्रकाश पण्डितले शिक्षा ऐन– २०७३ प्रमाणीकरण भएपछि राष्ट्रिय परीक्षा बोर्ड गठन गरिने बताएका छन्। उमावि सङ्घ (हिसान)ले आज आयोजना गरेको शिक्षा ऐनसम्बन्धी अन्तर्क्रियामा सचिव पण्डितले ऐन कार्यान्वयन गराउने...

नाम छुटेको भन्दै भूकम्प पीडितले गाविसमा ताला लगाए

गोरखा- ताप्ले गाविसका स्थानीयले भूकम्प पीडितले घर बनाउन पाउने अनुदानमा आफ्नो नाम छुटेको भ्रन्दै गाविस कार्यालयमा शुक्रवार तालाबन्दी गरेका छन्। रातो कार्ड पाएका, विद्युतीय तथ्याङ्ककबाट गरिएको सर्वेक्षणमा नाम छुटेको भन्दै...

समता स्कुलबाट ए प्लसमा १ सय ४, ए मा ४ सय ४३

समता स्कुलबाट ए प्लसमा १ सय ४, ए मा ४ सय ४३

काठमाडौं-मासिक एक सय शुल्क लिएर अंग्रेजी माध्यममा नर्सरीदेखि स्नात्तोकोतरसम्म अध्ययन गराउँदै आएको समता शिक्षा निकेतन विद्यालयले यो वर्षको एसएलसीमा पनि उत्कृष्ट नतिजा ल्याएको छ।

विराटनगरका ३ डाक्टर पक्राउ

विराटनगर-नक्कली शैक्षिक प्रमाणपत्रको आरोपमा प्रहरीले विराटनगरका तीनजना चर्चित डाक्टरलाई शुक्रवार पक्राउ गरेको छ। वरिष्ठ फिजिशियन जावेद अख्तर अन्सारी, बालरोग विशेषज्ञ डा. सञ्जय दास र अर्थोपेडिक सर्जन डा. अबुल कलामलाई प्रहरीले...

सीआईबीद्वारा वीरगन्जका ९ चिकित्सक गिरफ्तार, सबैलाई काठमाडौं लगियो

वीरगन्ज– नेपाल प्रहरीको केन्द्रीय अन्सुन्धान ब्युरो(सीआईबी)को टोलीले वीरगन्जका ९ जना चिकित्सकलाई नियन्त्रणमा शुक्रबार बिहान गिरफ्तार गरेको छ।

नक्कली प्रमाणपत्र अभियोगमा चर्चित डा.जावेद पक्राउ

विराटनगर— नक्कली शैक्षिक प्रमाणपत्रको आरोपमा प्रहरीले विराटनगरका चर्चित फिजिशियन डाक्टर जावेद अख्तर अन्सारीलाई शुक्रवार पक्राउ गरेको छ। विराटनगरस्थित लाइफ गार्ड अस्पतालबाट प्रहरीको केन्द्रीय अनुसन्धान ब्युरो (सिआईबी) को टोलीले उनलाई पक्राउ...

अवैध सुन तथा ९० थान हाते घडीसहित पक्राउ

काठमाडौं– सिन्धुपालचोक चौतारा– ३ बस्ने ३४ वर्षीय ताराबहादुर श्रेष्ठलाई प्रहरीले बिहीबार राति त्रिभुवन अन्तर्राष्ट्रिय बिमानस्थलको पार्किङ एरियाबाट ५० ग्राम सुन जस्तो देखीने पहेंलो धातुसहित पक्राउ गरेको छ।