Thursday 13 Ashwin, 2073 |
Menu

खेल

republica-headerdiscount-subscribe1

istl

क्यानलाई एक करोड जरिवाना

(0 votes)
इमेज सौजन्यः क्रिकनेपाल डट कम इमेज सौजन्यः क्रिकनेपाल डट कम
काठमाडौं– विश्व क्रिकेटको सर्वोच्च संस्था आइसिसीले 'तोकिएको समयमा आर्थिक प्रतिवेदन नबुझाएको' भन्दै नेपाल क्रिकेट संघ (क्यान) लाई झन्डै एक करोड रुपैयाँ जरिवाना तिराउने निर्णय गरेको छ।
nepali-patro-june
आइसिसीकै आर्थिक कोषबाट चल्दै आएको क्यानले प्रत्येक तीन महिनामा खर्चको हिसाबकिताब बुझाउनुपर्छ । सन् २०१२ को चौथो त्रैमासिक तथा २०१३ को पहिलो त्रैमासिकको आर्थिक प्रतिवेदन बुझाउन ढिला भएपछि आइसिसीले कारबाही गर्ने निर्णय गरेको हो ।

स्रोतका अनुसार क्यानले यी दुवै प्रतिवेदन मे अन्तमा बुझाएको थियो, जबकि २०१२ को चौथो त्रैमासिकको हिसाब जनवरी अन्तसम्म बुझाइसक्नुपर्छ ।

क्यानले हिसाब बुझाउन पटकपटक ढिला गरेर 'आर्थिक अनुशासन पालना नगरेको' भन्दै एसियाली क्रिकेट परिषद (एसिसी) ले कारबाही निम्ति आइसिसीलाई पत्राचार गरेको थियो ।

'पहिले पनि हामी २०–२५ दिनपछि नै बुझाउने गथ्र्यौं, यसबारे उनीहरूलाई जानकारी पनि गराउँथ्यौं,' क्यान स्रोतले नागरिकसँग भन्यो, 'यसपालि भने अलि बढी नै ढिला भएकाले हुनसक्छ, उनीहरूले मानेका छैनन् ।'

क्यानले 'एकचोटिलाई विचार गरिदिनू' भनेर एसिसीलाई पत्र पठाइसकेको छ । त्यसको जवाफ भने नआएको स्रोतले बतायो । क्यानको अनुरोध अस्विकृत भए यो नेपाली खेलकुदकै सबभन्दा ठूलो जरिवाना हुनेछ । यसअघि कुनै नेपाली खेल संस्थाले यति ठूलो जरिवाना तिर्नुपरेको छैन ।

आइसिसीले नेपाललाई वार्षिक १ लाख ६० हजार डलर (झन्डै १ करोड ६५ लाख रुपैयाँ) प्रशासनतर्फ र १ लाख ७५ हजार डलर (१ करोड ८० लाख २५ हजार रुपैयाँ) पुँजीगत तथा विकास खर्चतर्फ दिने गर्छ । यसबापत् आइसिसीले तोकेकै ढाँचामा आर्थिक प्रतिवेदन पठाउनुपर्छ । जरिवाना मिनाहा नभए आइसिसीले यसमध्ये करिब १ करोड नेपाली रुपैयाँ बराबर काटेर बजेट पठाउने स्रोतले बतायो ।

समयमा आर्थिक प्रतिवेदन नबुझाएकै कारण क्यानलाई जरिवाना तिराउने निर्णय पहिलोपटक भएको होइन । सन् २०१२ को सुरुमा यसैगरी ढिला गर्दा आइसिसीले नेपाललाई दिने पुँजीगत तथा विकास खर्चको १० प्रतिशत जरिवाना तिराउने निर्णय गरेको थियो । क्यानको विशेष अनुरोधपछि एसिसीले 'अन्तिम पटकलाई' भनेर चेतावनी दिँदै जरिवाना मिनाहा गरेको थियो । उक्त घटनापछि एसिसीले आफ्ना प्रतिनिधि काठमाडौं पठाएर क्यानका कर्मचारीलाई आर्थिक प्रतिवेदन फारम भर्न सिकाएको थियो ।

क्यानका अध्यक्ष टंक आङबुहाङले 'कारबाहीपत्र आएको' स्विकार गरे पनि यसबारे 'आइसिसीसँग कुराकानी भइसकेको' बताएका छन् ।

'हामीले पठाएको इमेल उनीहरूले दुई महिनापछि मात्र खोलेकाले कारबाहीपत्र आएको हो, उनीहरूले गल्ती स्विकारेका छन्,' उनले आइतबार नागरिकसँग भने । दुई महिनाअघि लन्डनमा सम्पन्न आइसिसीको वार्षिक साधारण सभामा आर्थिक प्रतिवेदन बुझाउन ढिला गर्ने सदस्यराष्ट्रको सूचीमा नेपालको पनि नाम परेकोमा 'क्यानले अथ्र्याएपछि सूचीबाट हटाएको' उनले बताए ।

आइसिसीले 'सहयोग जारी राख्ने' आश्वासन दिँदै पत्राचार गरिसकेको पनि उनको दाबी छ । 'उनीहरूले सहयोग रोक्दैनौं भनेर इमेल पठाएका छन्,' आङबुहाङले भने, 'कारबाहीको कुरा अघि बढाएका छैनौं भनेका छन् ।'

विदेशी खेल संस्थाहरूबाट करोडौं सहयोग पाउने क्यानले अघिल्लो साता मात्रै पोखरामा सम्पन्न साधारण सभाबाट लेखापरिक्षक राख्ने निर्णय गरेको थियो । गौतम शंकर एसोसिएटलाई आर्थिक वर्ष २०६९÷७० को लेखापरिक्षण जिम्मेवारी दिइएको छ ।

प्रतिक्रिया

सानो भान्जो अर्थात् विकेश कुथु

सानो भान्जो अर्थात् विकेश कुथु

सिन्धुपाल्चोक- सिन्धुपाल्चोक खेलकुद इतिहासमा सबैभन्दा ठूलो र प्रतिष्ठित मानिएको सिन्धु–भोटेकोसी कप फुटवलको पहिलो संस्करण स्थानीय सुनकोसी क्बलले जित्यो। नेपालको एउटा सानो गाउँको क्लबले नेपालको ए डिभिजनमा सफल मानिने नेपाल पुलिस...

न्युजिल्यान्डसँग खेल्दै नेपाल

न्युजिल्यान्डसँग खेल्दै नेपाल

काठमाडौं- नेपाली युवा क्रिकेट टोलीले आज बिहीबार न्युजिल्यान्डसँग खेल्दै आइसिसी यु–१९विश्वकप क्रिकेटको सुरुआत गर्दैछ। बंगलादेशको फतुल्लाहस्थित खान साहेब ओस्मान अली रंगशालामा न्युजिल्यान्डको सामना गर्दा नेपालको लक्ष्य सकारात्मक नतिजा निकाल्नु हुनेछ।

क्यान साधारणसभा होला ?

क्यान साधारणसभा होला ?

काठमाडौं- साधारणसभा कुनै पनि संस्थाको सर्वोच्च निकाय हो। त्यही निकायले संस्थाको भावी योजना तर्जुमा गर्छ, कार्यान्वयनको आधार बनाउँछ, नीति निर्माण गर्छ। साधारणसभाले सम्पूर्ण रूपमा संस्थालाई मार्गनिर्देश गर्छ। अस्थिर राजनीतिको चपेटामा...

कामुक भनेकाेमा बेकह्याम दङ्ग

कामुक भनेकाेमा बेकह्याम दङ्ग

लसएन्जल्स— संन्यास लिइसकेको इंङलिस फुटबलर डेबिट बेह्क्याम मैदानमा होस वा मैदान बाहिर अझै पनि अन्तराष्ट्रिय सेलिब्रेटीका रुपमा रहने गरेका छन्। मंगलबार बेह्क्यामलाई पिपुल म्यागजिनले कामुक पुरुषका रुपमा उल्लेख गरेको छ...

बेकह्याम फुटबल खेल्न नेपाल अाउने

बेकह्याम फुटबल खेल्न नेपाल अाउने

काठमाडौं—विश्वचर्चित फुटबल स्टार डेभिड बेकह्याम फुटबल खेल्न नेपाल आउने भएका छन्। इङ्ल्यान्डका पूर्व कप्तान बेह्याम क्लब र मुलुकका लागि सयौं पटक मैदानमा उत्रिए, धेरैमा विजय हासिल गरे।

फुटबल संघ नाजवाफ

फुटबल संघ नाजवाफ

काठमाडौं- वर्षौदेखि घरेलु फुटबलमा हुने खेल मिलेमतोमा कसैलाई दोषी ठहर गर्न नसकेको अखिल नेपाल फुटबल संघ (एन्फा) आफ्ना खेलाडीले अन्तर्राष्ट्रिय फुटबलमा मिलेमतो गरेको खबर सार्वजनिक भएपछि नाजवाफ भएको छ।

यु–१९ विश्वकप छनोट खेल्ने क्रिकेट टोलीको बिदाई

यु–१९ विश्वकप छनोट खेल्ने क्रिकेट टोलीको बिदाई

काठमाडौं– अर्को वर्ष बंगलादेशमा हुने आइसिसी यु–१९ विश्वकप छनोटका लागि मलेसिया जाने टोलीलाई मंगलबार नेपाल क्रिकेट संघ (क्यान)ले बिदाइ गरेको छ।

कोपा अमेरिकामा चिलीले इतिहास रच्यो

कोपा अमेरिकामा चिलीले इतिहास रच्यो

काठमाडौ-आयोजक चिलीले पहिलो पटक कोपा अमेरिकाको उपाधि उचालेको छ। आइतबार विहानभएको खेलमा अर्जेन्टिनालाई पेनाल्टी सुटआउटमा ४-१ ले हराउँदै उपाधि दर्ता गरेको हो। निर्धारित ९० मिनट र थप ३० मिनेटको थप...