×

Warning

Error loading library: joomla, Library not found

Error loading library: joomla, Library not found

Error loading library: joomla, Library not found

JFile: :read: Unable to open file: /data/nagariknews/components/com_k2/js/k2.js?v2.7.0&sitepath=/

Sunday 12 Bhadra, 2073 |
Menu

खेल

republica-headerdiscount-subscribe1

istl

योजनामा ३१ खेलमात्र

(0 votes)
काठमाडौं - डेढ सयको हाराहारीमा फरक खेलका संघ दर्ता गरेको राष्ट्रिय खेलकुद परिषद्ले सोमबार विकास योजना सार्वजनिक गर्दा ३१ खेललाई मात्र सम्बोधन गरेको छ।
nepali-patro-june

संघले सबै ७५ जिल्लामा सञ्चालन गर्ने भन्दै ४ खेल छानेको छ भने ४० जिल्लामा गर्न  सकिने ७, २५ जिल्लामा गर्न सकिने ७, १० जिल्लामा गर्न सकिने १० तथा त्योभन्दा कम जिल्लामा गर्न सकिने भन्दै ३ खेल छानेको छ। परिषद् सदस्यसचिव एवम् प्राविधिक कार्यकारी बोर्डका अध्यक्ष युवराज लामाले सबै ७५ जिल्लामा गरिएको सर्वेक्षण प्रतिवेदनका आधारमा ३१ खेल पहिचान भएको बताए।
'हामीले बृहत सर्भे गर्दा आएको फाइन्डिङअनुसार खेलको जिल्लागत पहिचान गरेका हौं,' लामाले सोमबार पत्रकार सम्मेलनमा भने, 'अब त्यहीअनुसार प्रशिक्षक परिचालन तथा प्रतियोगिताहरू आयोजना हुनेछन्।'
विगतमा यस्तो पहिचान नहुँदा धेरैपल्ट परिषद् झुक्किएको उनको भनाइ थियो। 'छैटौं राष्ट्रिय खेलकुदमै हामीलाई नराम्ररी झुक्काइएछ। कतिपय जिल्लामा हुँदै नभएका खेलमा पनि सम्बन्धित जिल्लाबाट प्रतिनिधित्व भएछन्,' लामाले स्वीकारे, 'यसैगरी खेलै नभएको जिल्लामा प्रशिक्षक खटिने तथा बजेट विनियोजन पनि भएका छन्। अब त्यस्तो हुँदैन।'
सोमबार सार्वजनिक गरिएको विकास योजनाअनुसार परिषद्ले भलिबल, एथलेटिक्स, कराते र तेक्वान्दो सबै जिल्लामा गर्ने खेलमा समेटिएको छ। यसैगरी ४० जिल्लामा गर्न सकिने खेलमा उसु, फुटबल, टेबलटेनिस, ब्याडमिन्टन, कबड्डी, बुद्धिचाल र क्रिकेट छन्। २५ जिल्लामा गर्न सकिने भनेर कुस्ती, भारोत्तोलन, जुडो, बास्केटबल, ह्यान्डबल, शारीरिक सुगठन र बक्सिङ समेटिएको छ। १० जिल्लामा गर्न सकिने खेलमा परिषद्ले आर्चरी, सुटिङ, हकी, पौडी, लन टेनिस, सफ्ट टेनिस, जिम्न्यास्टिक, स्नुकर एन्ड बिलियार्ड, ट्रायथोलन र साइक्लिङ छन्। १० भन्दा कम जिल्लामा गर्न सकिने भनेर परिषद्ले गल्फ, इक्वेस्टेरियन (घोडचढी) र स्क्वास समेटेको छ।
सदस्यसचिव लामाले भौतिक पूर्वाधार, खेलको प्रकृति, सम्भावना तथा हाल विद्यमान अवस्थाका आधारमा अध्ययन गरी खेलको जिल्लागत पहिचान गरिएको प्रतिक्रिया दिए।

स्वयम्सेवीलाई परिचय
स्वयम्सेवी प्रशिक्षकलाई परिचयपत्र वितरण सुरु गरेको लामाले जानकारी गराएका छन्। उनले विभिन्न खेलमा स्वतस्फूर्त रूपमा प्रशिक्षण गराइरहेका देशभरका प्रशिक्षकलाई परिचयपत्र वितरण गरिने बताए। उनका अनुसार त्यसका लागि परिषद्ले राखेको आधार पुग्नुपर्नेछ। उनीहरूले तलबबाहेक अन्य सुविधा पाउने छन्।

राष्ट्रिय टिम तयारी नियमावली
परिषद्ले गतसाता निर्माण गरेको १२ बूँदे राष्ट्रिय टिम तयारी नियमावली सोमबार सार्वजनिक गरेको छ। स्वास्थ्य परीक्षण, शारीरिक परीक्षण, मानसिक तथा मनोवैज्ञानिक व्यवस्थापन तालिम, पोषण, खेलमनोविज्ञान, जीवयान्त्रिक विज्ञानका सिद्धान्त तथा विश्लेषण, खेल नेतृत्व विकास तालिम, आन्तरिक तथा बाह्य तालिम एवम् सहभागिता, प्राथमिक उपचार तथा मसाज, प्राविधिक नियमसम्बन्धी ज्ञान, नियमित मूल्यांकनको अनिवार्य व्यवस्था गरिएको नियमावली सबै खेलमा बाध्यकारी हुने परिषद्ले जानकारी गराएको छ।
सदस्यसचिव लामाले राष्ट्रिय टोली तयारीक्रम बाध्यात्मक रूपमा सबै खेलले नियमावली लागू गर्नुपर्ने बताउँदै त्यसो नगर्नेलाई सहयोग नगर्ने निर्णय भएको जनाए। सबै खेलमा नियमावली अक्षरस लागू गर्दै सिनियर र जुनियर गरी दुई राष्ट्रिय टोली हुनैपर्ने बाध्यात्मक प्रावधान सुनाउँदै उनले भने, 'यो सबै प्रक्रिया पूरा गरेमा मात्र अन्तर्राष्ट्रिय सहभागिता जनाउन राज्यको तर्फबाट अनुमति पाइन्छ। अन्यथा त्यो राज्यको नजरबाट आधिकारिक हँुदैन।'

तयारीलाई २ करोड बढी
राष्ट्रिय टोलीलाई परिषद्ले ६ महिनापछि बन्द प्रशिक्षण सिविरमा राख्ने भएको छ। परिषद्बाट जारी गरिएको नियमावलीअनुसार सबै संघले तत्काल तयारी सुरु गर्ने र ६ महिनापछि राष्ट्रिय टोली छनोट प्रतियोगिता गरेर बन्द प्रशिक्षण सिविरमा राख्ने सदस्यसचिव लामाले जानकारी गराए। सरकारले यो वर्ष राष्ट्रिय टोली तयारीका लागि २ करोड २५ लाख रुपैयाँ विनियोजन गरेको छ।
हाल १० खेल कराते, एथलेटिक्स, कुस्ती, ब्याडमिन्टन, बक्सिङ, जुडो, तेक्वान्दो, क्रिकेट, भारोत्तोलन र उसुले खेलाडी छनोट गरी राष्ट्रिय टोली बनाएको छ।
राष्ट्रिय टिम तयारी समितिका निर्देशक हरिहर श्रेष्ठले राष्ट्रिय टिम तयारीसम्बन्धी १२ बूँदे कार्यक्रम लागू हुनु खेलकुद प्राविधिक पक्षका लागि ठूलो उपलब्धि भएको बताए। उनले भने, 'हाम्रा टे्रनिङहरू विज्ञानसम्मत थिएनन्। ठूला अन्तर्राष्ट्रिय प्रतियोगिता जानु केही महिनाअघि बन्द प्रशिक्षण सुरु हुन्थ्यो। अब १२ बूँदेमा टेकेर प्रशिक्षण चल्दा खेलाडीको क्षमताबारे प्रतिस्पर्धा नै कुरिरहनुपर्दैन। पहिल्यै उसले दिनसक्ने नतिजा थाहा पाउन सक्छौं।'

आधिकारिक खेलमात्र पहिचानमा
सदस्यसचिव लामाले एसियाली खेलकुदमा समावेश गरिएका र अन्तर्राष्ट्रिय रूपमा आधिकारिक गतिविधि हुने खेल मात्र जिल्लागत पहिचानमा समेटेको तर्क गरे। परिषदले नै दर्ता गरेका सय हाराहारीका खेललाई सम्बोधन नगरिएकोबारे उनको उत्तर थियो, 'अनफिसियल खेलबारे हामीले अहिले डाटा निकालेको छैन। आइटिएफजस्तो धेरै जिल्लामा विस्तार भएको अफिसियल खेल पनि छुटेको छ। त्यो कमजोरी हो। केही अन्य अफिसियल खेल छुटेका छन्। तर तिनीहरू केन्द्रिकृत छन्। त्यही भएर हामीले सम्बोधन नगरेका हौं।'
दर्ता भएका धेरै खेल करातेमै समेटिने तर्क गर्दै लामाले बाँकी खेल क्रमिक रूपमा सम्बोधन गर्दै जाने बताए।

खारेजी प्रक्रिया सुरु
परिषद्मा दर्ता भएर वार्षिक रूपमा राष्ट्रिय प्रतियोगिता र साधारण सभा नगर्ने, आर्थिक पारदर्शिता नभएका तथा विधानसम्मत नचलेका संघ खारेजीको प्रक्रिया सुरु भएको सदस्यसचिव लामाले बताए। दर्जनौं खेलका नाममा दर्ता भएका संघ निस्त्रि्कय रहेको दाबी गर्दै लामाले भने, 'झोलामा सीमित संघहरू अब खारेज हुन्छन्।'
परिषदले शुक्रबार उपाध्यक्ष पिताम्बर तिम्सिनाको संयोजकत्वमा संघसंस्था अनुगमन निरीक्षण समिति गठन गरेर काम नगर्नेलाई खारेज गर्ने प्रक्रिया सुरु गरेको उनले बताए। समितिका संयोजक तिम्सिनाले पनि मंगलबारबाटै काम थाल्ने र काम नगर्नेलाई खारेजीको सिफारिस गर्ने बताए। उनले भने, 'समितिले आर्थिक रुपमा अपारदर्शी देखिएका, विधानसम्मत नचलेका, वार्षिक  प्रतियोगिता तथा साधारणसभा नगरेका संघ खारेज गर्न सिफारिस गरिनेछ।'

प्रतिक्रिया

सानो भान्जो अर्थात् विकेश कुथु

सानो भान्जो अर्थात् विकेश कुथु

सिन्धुपाल्चोक- सिन्धुपाल्चोक खेलकुद इतिहासमा सबैभन्दा ठूलो र प्रतिष्ठित मानिएको सिन्धु–भोटेकोसी कप फुटवलको पहिलो संस्करण स्थानीय सुनकोसी क्बलले जित्यो। नेपालको एउटा सानो गाउँको क्लबले नेपालको ए डिभिजनमा सफल मानिने नेपाल पुलिस...

न्युजिल्यान्डसँग खेल्दै नेपाल

न्युजिल्यान्डसँग खेल्दै नेपाल

काठमाडौं- नेपाली युवा क्रिकेट टोलीले आज बिहीबार न्युजिल्यान्डसँग खेल्दै आइसिसी यु–१९विश्वकप क्रिकेटको सुरुआत गर्दैछ। बंगलादेशको फतुल्लाहस्थित खान साहेब ओस्मान अली रंगशालामा न्युजिल्यान्डको सामना गर्दा नेपालको लक्ष्य सकारात्मक नतिजा निकाल्नु हुनेछ।

क्यान साधारणसभा होला ?

क्यान साधारणसभा होला ?

काठमाडौं- साधारणसभा कुनै पनि संस्थाको सर्वोच्च निकाय हो। त्यही निकायले संस्थाको भावी योजना तर्जुमा गर्छ, कार्यान्वयनको आधार बनाउँछ, नीति निर्माण गर्छ। साधारणसभाले सम्पूर्ण रूपमा संस्थालाई मार्गनिर्देश गर्छ। अस्थिर राजनीतिको चपेटामा...

कामुक भनेकाेमा बेकह्याम दङ्ग

कामुक भनेकाेमा बेकह्याम दङ्ग

लसएन्जल्स— संन्यास लिइसकेको इंङलिस फुटबलर डेबिट बेह्क्याम मैदानमा होस वा मैदान बाहिर अझै पनि अन्तराष्ट्रिय सेलिब्रेटीका रुपमा रहने गरेका छन्। मंगलबार बेह्क्यामलाई पिपुल म्यागजिनले कामुक पुरुषका रुपमा उल्लेख गरेको छ...

बेकह्याम फुटबल खेल्न नेपाल अाउने

बेकह्याम फुटबल खेल्न नेपाल अाउने

काठमाडौं—विश्वचर्चित फुटबल स्टार डेभिड बेकह्याम फुटबल खेल्न नेपाल आउने भएका छन्। इङ्ल्यान्डका पूर्व कप्तान बेह्याम क्लब र मुलुकका लागि सयौं पटक मैदानमा उत्रिए, धेरैमा विजय हासिल गरे।

फुटबल संघ नाजवाफ

फुटबल संघ नाजवाफ

काठमाडौं- वर्षौदेखि घरेलु फुटबलमा हुने खेल मिलेमतोमा कसैलाई दोषी ठहर गर्न नसकेको अखिल नेपाल फुटबल संघ (एन्फा) आफ्ना खेलाडीले अन्तर्राष्ट्रिय फुटबलमा मिलेमतो गरेको खबर सार्वजनिक भएपछि नाजवाफ भएको छ।

यु–१९ विश्वकप छनोट खेल्ने क्रिकेट टोलीको बिदाई

यु–१९ विश्वकप छनोट खेल्ने क्रिकेट टोलीको बिदाई

काठमाडौं– अर्को वर्ष बंगलादेशमा हुने आइसिसी यु–१९ विश्वकप छनोटका लागि मलेसिया जाने टोलीलाई मंगलबार नेपाल क्रिकेट संघ (क्यान)ले बिदाइ गरेको छ।

कोपा अमेरिकामा चिलीले इतिहास रच्यो

कोपा अमेरिकामा चिलीले इतिहास रच्यो

काठमाडौ-आयोजक चिलीले पहिलो पटक कोपा अमेरिकाको उपाधि उचालेको छ। आइतबार विहानभएको खेलमा अर्जेन्टिनालाई पेनाल्टी सुटआउटमा ४-१ ले हराउँदै उपाधि दर्ता गरेको हो। निर्धारित ९० मिनट र थप ३० मिनेटको थप...